୯୩ ବର୍ଷରେ ଘର ପାଇଁ ସଂଘର୍ଷ କରୁଛନ୍ତି ସ୍ୱାଧୀନତା ସଂଗ୍ରାମୀ, ଦିନେ ନେତାଜୀଙ୍କ ସମୟରେ ସୈନ୍ୟ ଭାବରେ କାମ କରୁଥିଲେ
ଦୟନୀୟ ଅବସ୍ଥାରେ ଗତି କରୁଛନ୍ତି ନେତାଜୀ ସୁଭାଷ ଚନ୍ଦ୍ର ବୋଷଙ୍କ ସମୟର ଜଣେ ସ୍ୱାଧୀନତା ସଂଗ୍ରାମୀ । ଦିନେ ସୈନ୍ୟ ଭାବରେ ଭାରତ ପାଇଁ କାମ କରୁଥିଲେ ଏହି ବୟସ୍କ । ଯାହାଙ୍କ ନାମ ହେଉଛି ସି.ଏମ ପଣ୍ଡିରାଜ୍ । ପଣ୍ଡିରାଜ୍ ଏବେ ଏକ ଛପର ଘରେ ଭଡ଼ାରେ ରହୁଛନ୍ତି । ତାଙ୍କର ସବୁଠାରୁ ଚିନ୍ତାର ବିଷୟ ହେଉଛି ଆଜି ପର୍ଯ୍ୟନ୍ତ ସରକାର ତାଙ୍କ ପାଇଁ ରହିବା ପାଇଁ ଏକ ଘରର ବ୍ୟବସ୍ଥା କଲେ ନାହିଁ । ପଣ୍ଡିରାଜ୍ ଏବେ ରାମନାଥପୁରମ ଠାରେ ରହୁଛନ୍ତି । ତାଙ୍କର ତିନୋଟି ଝିଅ ଏବଂ ଦୁଇ ପୁଅ ଅଛନ୍ତି । ଯେତେବେଳେ ପଣ୍ଡିରାଜ୍ଙ୍କୁ ନେତାଜୀଙ୍କ ସମୟର ସୈନ୍ୟ ସଂଘର୍ଷ ବିଷୟରେ ପ୍ରଶ୍ନ କରାଗଲା ସେ ତାଙ୍କର ୟୁନିଫର୍ମ ପିନ୍ଧି ଦେଇ ସୁଭାଷ ବୋଷଙ୍କୁ ଏକ ସାଲ୍ୟୁଟ ମାରିଦେଲେ । କେବଳ ତାଙ୍କ ପ୍ରତିକ୍ରିୟା ନୁହେଁ ବରଂ ଦେଶାତ୍ମବୋଧର ପ୍ରତ୍ୟେକଟି ଶବ୍ଦ ତାଙ୍କର ଛାତିକୁ ଥରାଇ ଦେଇଛି । ପଣ୍ଡିରାଜ ୧୭ ବର୍ଷ ବୟସରେ ୧୯୪୩ ମସିହାରେ ସୈନ୍ୟ ବିଭାଗରେ ଯୋଗ ଦେଇଥିଲେ ।
୫୫ ବର୍ଷ ଧରି ସେ ଭଡ଼ାରେ ରହି ଆସୁଛନ୍ତି । ୧୬ ବର୍ଷ ହେବ ସେ ସରକାରଙ୍କୁ ଅନୁରୋଧ କରି ଆସୁଛନ୍ତି ଘରଟିଏ ପାଇଁ, କିନ୍ତୁ ସରକାରଙ୍କ ତରଫରୁ କୌଣସି ପ୍ରତିକ୍ରିୟା ମିଳିନାହିଁ । ତେବେ କେବଳଯେ ମୁଁ ନୁହେଁ ଏଭଳି କେତେକ ସୈନ୍ୟ ସଂଘର୍ଷକ ନିଜର ମୌଳିକ ଆବଶ୍ୟକତା ପୂରଣ କରିପାରିନଥିଲେ, ଯଦି ଏହା ସରକାର ବୁଝିଥାନ୍ତେ ତେବେ ଏକ ରିଲିଫ ହୋଇ ପାରିଥାନ୍ତା, କହିଛନ୍ତି ପଣ୍ଡିରାଜ୍ । ଏମାନଙ୍କୁ ସାହାଯ୍ୟ ନକରିବା ଯୁକ୍ତିଯୁକ୍ତ ନୁହେଁ । ସରକାରଙ୍କ କର୍ତ୍ତବ୍ୟ ଏମାନଙ୍କୁ ଦୃଷ୍ଟି ଦେବା ବୋଲି ମଧ୍ୟ ପଣ୍ଡିରାଜ କହିଛନ୍ତି ।