‘ସଂଜୁ’ ଦେଖିବା ପରେ ଅମିର ଖାନଙ୍କ ପ୍ରତିକ୍ରିୟା, କହିଲେ ଭାବୁକ କରିଦେବା ପରି କାହଣୀ ।
ସଂଜୟ ଦତ୍ତଙ୍କ ବାୟୋପିକ ସଂଜୁ ରିଲିଜ ହୋଇସାରିଛି । ଫିଲ୍ମରେ ସଂଜୟ ଦତ୍ତଙ୍କ ଭୂମିକାରେ ଅଭିନୟ କରିଥିବା ରଣବୀର କପୁରଙ୍କ ଖୁବ ପ୍ରଶଂସା ହେଉଛି । ବଲିଉଡର ମିଷ୍ଟର ପରଫେକ୍ସନିଷ୍ଟ ଅମିର ଖାନ ସଂଜୟ ଦତ୍ତଙ୍କ ଫିଲ୍ମ ସଂଜୁ ଦେଖିବା ପରେ ନିଜ ବିଚାରକୁ ଟ୍ୱିଟ କରି ସେୟାର କରିଛନ୍ତି ।
Loved Sanju! Very moving story of a father and son, and of two friends. Ranbir is outstanding and Vicky Kaushal blew my mind! Thank you Raju for yet another film which entertain and enriches.
Love.
a.— Aamir Khan (@aamir_khan) June 29, 2018
ଟ୍ୱିଟ କରି ଅମିର ଲେଖିଥିଲେ, ‘ସଂଜୁ ବହୁତ ପସନ୍ଦ ଆସିଲା । ଏକ ପିତା ଓ ପୁଅ ଏବଂ ଦୁଇ ବନ୍ଧୁଙ୍କ ଭାବଭରା କାହାଣୀ । ରଣବୀର ଚମତ୍କାର ଅଭିନୟ କରିଛନ୍ତି ଏହାସହିତ ଭିକି କୌଶଲ ମଧ୍ୟ ମୋତେ ଆଶ୍ଚର୍ଯ୍ୟ କରିଦେଇଛନ୍ତି । ’ ଏହା ସହିତ ଅମିର ରାଜକୁମାର ହିରାନୀଙ୍କୁ ଏତେ ସୁନ୍ଦର ଫିଲ୍ମ ନିର୍ମାଣ କରିବା ପାଇଁ ଧନ୍ୟବାଦ ଜଣାଇଛନ୍ତି । ତେବେ ସଂଜୁ ଦେଖିବା ପରେ ସମସ୍ତେ ରଣବୀର କପୁରଙ୍କ ଅଭିନୟ ଏବଂ ରାଜକୁମାର ହିରାନୀଙ୍କ ନିର୍ଦ୍ଦେଶନାକୁ ଖୁବ ପସନ୍ଦ କରିଛନ୍ତି ।
ଫିଲ୍ମରେ କୌଣସି ବଡ ତାରକା ନିଜର ଆପିୟରାନ୍ସ ଦେଇନାହାଁନ୍ତି ସତ କିନ୍ତୁ ଫିଲ୍ମରେ ଶାହରୁଖ ଏବଂ ଅମିର ଖାନଙ୍କ ବିଷୟରେ କୁହାଯାଇଛି । ସଂଜୁର ଏକ ସିନରେ ସଂଜୟ ଦତ୍ତ ପିତା ସୁନିଲ ଦତ୍ତଙ୍କ ସହିତ ନିଜ କ୍ୟାରିୟର ଗ୍ରାମ କମୁଥିବା ବିଷୟରେ ଆଲୋଚନା କରୁଥିବାର ଦେଖିବାକୁ ମିଳିଛି । ଏହି ସିନରେ ହିଁ ଶାହାରୁଖ ଏବଂ ଅମିର ଖାନଙ୍କ ବିଷୟରେ କୁହାଯାଇଛି ।