ସଂଜୟ ଲୀଲା ଭଂସାଲୀଙ୍କ ଏହି ଫିଲ୍ମରେ ନଜର ଆସିବେ ଆଲିୟା ଭଟ୍ଟ, ପ୍ରଥମଥର ପାଇଁ ଅଭିଷେକ ବଚ୍ଚନଙ୍କ ସହିତ କରିବେ ସ୍କ୍ରିନ ସେୟାର

ଚଳିତବର୍ଷ ରିଲିଜ ହୋଇଥିବା ଫିଲ୍ମ ‘ପଦ୍ମାବତ’ର ଅପାର ସଫଳତା ପରେ ପ୍ରସିଦ୍ଧ ଫିଲ୍ମ ନିର୍ମାତା ସଂଜୟ ଲୀଲା ଭଂସାଲୀ ନିଜର ଆଗାମୀ ଫିଲ୍ମ ‘ଗୁସ୍ତାଖିୟାଁ’ ଉପରେ ଧ୍ୟାନ ଦେଉଛନ୍ତି । ଏହି ଫିଲ୍ମ ପ୍ରସିଦ୍ଧ ଶାୟର ସାହିର ଲୁଧିୟାନବୀଙ୍କ ଉପରେ ଆଧାରିତ । ଫିଲ୍ମରେ ଅଭିନେତା ଅଭିଷେକ ବଚ୍ଚନ ସାହିର ଲୁଧିୟାନବୀଙ୍କ ଭୂମିକାରେ ନଜର ଆସିବେ । ସେହିପରି ଖବର ଅନୁସାରେ ଆଲିୟା ଭଟ୍ଟ ସାହିରଙ୍କ ପ୍ରେମିକା ଅମୃତା ପ୍ରିତମ ରୋଲରେ ନଜର ଆସିବେ । ପ୍ରଥମଥର ପାଇଁ ଆଲିୟା ସଂଜୟ ଲୀଲା ଭଂସାଲୀଙ୍କ ସହିତ କାମ କରିବାର ସୁଯୋଗ ପାଇଛନ୍ତି ।

ଆଲିୟାଙ୍କ ପ୍ରଶଂସା କରି ସଂଜୟ ଲୀଲା ଭଂସାଲୀ ଏକ ଇଣ୍ଟରଭ୍ୟୁରେ କହିଛନ୍ତି ଯେ ଆଲିୟାଙ୍କ ଏହି ବୟସରେ ଏପରି କନଫିଡେନ୍ସ ତାଙ୍କ କ୍ୟାରିୟର ଉପରେ ଭଲ ପ୍ରଭାବ ପକାଇବ । ତାଙ୍କ ସହିତ କାମ କରିବା ମଜାଦାର ହେବ । କହିରଖୁଛୁ ଯେ ଆଲିୟା ପୂର୍ବରୁ ସଂଜୟ ଲୀଲା ଭଂସାଲୀଙ୍କ ଫିଲ୍ମ ‘ବ୍ଲାକ’ରେ ରାଣୀ ମୁଖାର୍ଜୀଙ୍କ ପିଲାଦିନର ଭୂମିକା ପାଇଁ ଅଡିଶନ ଦେଇଥିଲେ । କିନ୍ତୁ ଭଂସାଲୀ ତାଙ୍କୁ ରିଜେକ୍ଟ କରିଦେଇଥିଲେ । ବର୍ତ୍ତମାନ ଏହି ଫିଲ୍ମର ସୁଟିଂ ଖୁବ ଶୀର୍ଘ ଆରମ୍ଭ ହେବ ।

ସେହିପରି ଅନ୍ୟ ପକ୍ଷରେ ଆଲିୟା ଏବଂ ଅଭିଷେକ ପ୍ରଥମଥର ପାଇଁ ସ୍କ୍ରିନ ସେୟାର କରିବେ । ଅଭିଷେକ ନିଜର ଆଗାମୀ ଫିଲ୍ମ ‘ମନମର୍ଜିୟାଁ’କୁ ନେଇ ବ୍ୟସ୍ତ ଥିବା ବେଳେ ଆଲିୟା ‘ରାଜି’କୁ ନେଇ ବ୍ୟସ୍ତ ଅଛନ୍ତି ।