୬୧ ବର୍ଷରେ ପାଦ ଦେଲେ ଅଭିନେତ୍ରୀ ନୀନା ଗୁପ୍ତା, ଗୋଟିଏ ସୋସିଆଲ ମିଡିଆ ପୋଷ୍ଟ ଫିଲ୍ମ ଇଣ୍ଡଷ୍ଟ୍ରିରେ ମଚାଇଥିଲା ଧମାକା
ବଲିଉଡ ଅଭିନେତ୍ରୀ ନୀନା ଗୁପ୍ତା ଆଜି ନିଜର ୬୦ ତମ ଜନ୍ମଦିନ ପାଳନ କରୁଛନ୍ତି । ବଲିଉଡ ଠାରୁ ଟିଭି ପର୍ଯ୍ୟନ୍ତ ସବୁଠାରେ ସେ ନିଜର ଅଭିନୟ ଦକ୍ଷତାର ପରିଚୟ ଦେଇଛନ୍ତି । ନିଜର ପ୍ରୋଫେସନାଲ ଲାଇଫ ଠାରୁ ଅଧିକ ନୀନାଙ୍କ ପର୍ସନାଲ ଲାଇଫ ଲୋକଙ୍କ ଧ୍ୟାନ ଆକର୍ଷଣ କରିଛି । ନୀନା ଖୁବ କମ ବୟସରେ ବିବାହ କରି ମା’ ହେବା ପାଇଁ ନିର୍ଣ୍ଣୟ ନେଇଥିଲେ । ଏବଂ ସେଥିପାଇଁ ସେ ଖୁବ ସାହାସର ସହିତ ଦୁନିଆର ସାମ୍ନା କରିଥିଲେ ।
୨୦୧୭ରେ ନୀନା ଗୁପ୍ତା ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଥିଲେ ଯାହା ଇଣ୍ଡଷ୍ଟ୍ରିରେ ହଇଚଇ ସୃଷ୍ଟି କରିଦେଇଥିଲା । ଦୁଇ ବର୍ଷ ପୂର୍ବେ ନୀନା ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଲେଖିଥିଲେ, ମୁଁ ମୁମ୍ବାଇରେ ରୁହେ ଏବଂ ଜଣେ ଅଭିନେତ୍ରୀ । ମୁଁ ଫିଲ୍ମରେ ଭଲ ରୋଲ କରିବା ପାଇଁ ଚାହେଁ । ନୀନା ଗୁପ୍ତାଙ୍କ ଏହି ପୋଷ୍ଟ ପରେ ଫିଲ୍ମ ଇଣ୍ଡଷ୍ଟ୍ରୀର ବୟସ୍କ କଳାକାରଙ୍କ ସହିତ ହେଉଥିବା ବ୍ୟବହାରକୁ ନେଇ ଅନେକ ଟ୍ୱିଟ ଭାଇରାଲ ହୋଇଥିଲା । ଅନେକ କଳାକାର ନୀନାଙ୍କ ସପୋର୍ଟରେ ସାମ୍ନାକୁ ଆସିଥିଲେ । ଏହା ସହିତ ତାଙ୍କ ପାଖକୁ ଭଲ ପ୍ରୋଜେକ୍ଟ ଆସିବାକୁ ଲାଗିଲା । ସେହି ପ୍ରୋଜେକ୍ଟ ମଧ୍ୟରେ ହିଟ ଫିଲ୍ମ ବଧାଇ ହୋ ମଧ୍ୟ ସାମିଲ ରହିଛି ।
କେବଳ ଏତିକି ନୁହେଁ ନୀନା ଗୁପ୍ତାଙ୍କୁ ଟିଭି ଶୋ ‘ସାଂସ’, ‘ସିସ୍କି’, ‘ସାତ ଫେରେ’ ଏବଂ କମଜୋର କଡୀ କୌନ ପାଇଁ ମଧ୍ୟ ସମସ୍ତେ ମନେ ରଖିବେ । କହିରଖୁଛୁ ଯେ, ନୀନା ଖୁବ ଶୀଘ୍ର ‘ସନ୍ଦୀପ ଔର ପିଙ୍କି ଫେରାର’, କଙ୍ଗନା ରଣାୱତଙ୍କ ଫିଲ୍ମ ‘ପଙ୍ଗା’ ଏବଂ ଅକ୍ଷୟ କୁଂମାରଙ୍କ ଆଗାମୀ ଫିଲ୍ମ ‘ସୂର୍ଯ୍ୟବଂଶୀ’ରେ ଦେଖିବାକୁ ମିଳିବ ।
