ବୟସ କେବଳ ମାତ୍ର ଏକ ନମ୍ବର, କର୍ଣ୍ଣାଟକର ୮୧ବର୍ଷ ବୃଦ୍ଧା ଜିତିଲେ ୧୦୦ମିଟର ରେସ !
କର୍ଣ୍ଣାଟକର ବାଙ୍ଗାଲୁରୁରେ ବୟସ୍କା ମହିଳାଙ୍କ ଦୌଡ ପ୍ରତିଯୋଗିତା ନୁହେଁ ବରଂ ଦୃତ ଗତିରେ ଚାଲିବା ପ୍ରତିଯୋଗିତାର ଆୟୋଜନ କରାଯାଇଥିଲା । କର୍ଣ୍ଣାଟକ ସରକାର ‘ୱାର୍ଲ୍ଡ ଏଲ୍ଡର୍ସ ଡେ’ କାର୍ଯ୍ୟକ୍ରମରେ ୧୦୦ରୁ ୨୦୦ମିଟରର ଚାଲିବା ପ୍ରତିଯୋଗୀତାର ଆୟୋଜନ କରିଥିଲେ । ଯେଉଁଥିରେ ୨୫୦ ବୃଦ୍ଧା ମହିଳା ଏହି ପ୍ରତିଯୋଗିତାରେ ଭାଗ ନେଇଥିଲେ ଏବଂ ପ୍ରମାଣ କରିଥିଲେ ଯେ ବୟସ କେବଳ ନମ୍ବର ଅଟେ । ଏହି ପ୍ରତିଯୋଗିତାରେ ୮୧ବର୍ଷୀୟ ବୃଦ୍ଧା ଲଲିଥାମ୍ମା ୨୦୦ମିଟର ରେସରେ ବାଜି ମାରିଛନ୍ତି । ସେହିଭଳି ୭୨ବର୍ଷୀୟା ବୃଦ୍ଧା ୧୦୦ମିଟର ରେସରେ ପ୍ରଥମ ସ୍ଥାନ ଅଧିକାର କରିଛନ୍ତି । ଏଠାରେ ଆମେ କହି ରଖୁଛୁ ଯେ ‘ୱାର୍ଲ୍ଡ ଏଲ୍ଡର୍ସ ଡେ’ ୧ଅକ୍ଟୋବରରେ ଅଟେ , ଯାହାକୁ ନେଇ ବାଙ୍ଗାଲୁରୁର କାନ୍ତିବାରା ଷ୍ଟାଡିଅମରେ ଏହି ପ୍ରତିଯୋଗିତା ରଖାଯାଇଥିଲା ।
ଲଲିଥମ୍ମା ଅବସରପ୍ରାନ୍ତ ଅଟନ୍ତି । ସେ ତାଙ୍କ ଯୌବନାବସ୍ଥାରେ ଅନେକ ରେସ ଏବଂ ପ୍ରତିଯୋଗିତାରେ ଭାଗ ନେଇ ପୁରସ୍କାର ଜିତିଛନ୍ତି । ସେ ପ୍ରତିଦିନ ୧ଘଂଟା ଚାଲିଥାଆନ୍ତି । ଏହିକାରଣରୁ ସେ ରେସ ଜିତି ଥିବା କହିଛନ୍ତି ଲଲିଥମ୍ମା ।
Karnataka: A sports meet was organised at the Kanteevara Stadium in Bengaluru by state govt for senior citizens on September 18, in the lead up to the World Elders’ day which falls on October 1. Around 250 senior citizens participated in the event. pic.twitter.com/2I1f8aMewQ
— ANI (@ANI) September 19, 2019
ସେହିଭଳି ସରୋଜାମ୍ମା ୧୦୦ମିଟର ରେସରେ ଜିତି ମିଡିଆ ଆଗରେ କହିଛନ୍ତି ଯେ ମୋ ପିଲା ମାନଙ୍କୁ ପଚାର, ଯେଉଁମାନେ ମୋତେ ଛାଡି ଦେଇଛନ୍ତି ଏବଂ ଖରାପ ବ୍ୟବହାର କରିଛନ୍ତି । ସେମାନଙ୍କୁ ଯାହା ଦରକାର ଥିଲା ମିଳିଗଲା । କିନ୍ତୁ ସେ ଏଭଳି କାର୍ଯ୍ୟକ୍ରମରେ ଭାଗ ନେଇ ଖୁବ ଖୁସିରେ ଜୀବନ କାଟୁଛନ୍ତି ।
ଏହି ଇଭେଂଟରେ ଯେତେ ବୃଦ୍ଧା ଭାଗ ନେଇଥିଲେ , ସେମାନଙ୍କ କାହାଣୀ ପ୍ରାୟତଃ ଏକାଭଳି । ଏମାନଙ୍କ ମଧ୍ୟରୁ ଅନେକ ଜଚ୍ଚଙ୍କୁ ପରିବାର ବାହାର କରିଦେଇଛନ୍ତି । କିନ୍ତୁ ଏଭଳି କାର୍ଯ୍ୟକ୍ରମ ଏମାନଙ୍କ ଜୀବନରେ ସକରାତ୍ମକ ପରିବର୍ତ୍ତନ ଆଣିଥାଏ ।
