ଲଭ ରଂଜନଙ୍କ ଆଗାମୀ ଫିଲ୍ମରେ ଅଜୟ ଦେବଗନ-ରଣବୀର କପୁର, ପିତା-ପୁତ୍ର ଭୂମିକାରେ ଆସିପାରନ୍ତି ନଜର !
‘ପ୍ୟାର କା ପଂଚନାମା’ ସିରିଜ ଏବଂ ‘ସୋନୁ କେ ଟିଟୁ କି ସ୍ୱିଟି’ ପରି ହିଟ ଫିଲ୍ମ ଦେଇଥିବା ନିର୍ଦ୍ଦେଶକ ଲଭ ରଂଜନ ଏବେ ବଲିଉଡର ଦୁଇ ସୁପ ଷ୍ଟାରଙ୍କୁ ନେଇ ଫିଲ୍ମ ନିର୍ମାଣ କରିବେ । ଏହି ଦୁଇ ଅଭିନେତା ଆଉ କେହି ନୁହଁନ୍ତି ସେ ହେଉଛନ୍ତି ଅଜୟ ଦେବଗନ ଏବଂ ରଣବୀର କପୁର । ଖବର ଅନୁସାରେ ଲଭ ରଂଜନଙ୍କ ଏହି ଫିଲ୍ମରେ ଅଜୟ ଦେଗବନ ଏବଂ ରଣବୀର କପୁର ପିତା-ପୁତ୍ର ଭୂମିକାରେ ନଜର ଆସିପାରନ୍ତି ।
ଏହା ପୂର୍ବରୁ ଦୁଇ କଳାକାରଙ୍କୁ ଫିଲ୍ମ ‘ରାଜନୀତି’ରେ ଏକାଠି ଦେଖିବାକୁ ମିଳିଥିଲା । ଏହା ମଧ୍ୟ ଶୁଣିବାକୁ ମିଳୁଛି ଯେ ଲଭ ରଂଜନଙ୍କ ଏହି ଆଗାମୀ ଫିଲ୍ମ ଏକ କମେଡି ଫିଲ୍ମ ହେବ । ଫିଲ୍ମ ବାପା-ପୁଅ ମଦ୍ୟରେ ଜବରଦସ୍ତ କମେଡି ଦେଖିବାକୁ ମିଳିବ । ତେବେ ଫିଲ୍ମ ବିଷୟରେ ଏବେ କୌଣସି ଆନୁଷ୍ଟାନିକ ଭାବେ ଘୋଷଣା କରାଯାଇନାହିଁ । ଦେଖାଯାଉ ଫିଲ୍ମ ବିଷୟରେ କେବେ ଘୋଷଣା ହେଉଛି ।
ଅଜୟ ଦେବଗନ ଏବଂ ରଣବୀର କପୁରଙ୍କ ଫିଲ୍ମ ବିଷୟରେ କହିବାକୁ ଗଲେ ଅଜୟ ଖୁବ ଶୀଘ୍ର କମେଡି ଫିଲ୍ମ ଟୋଟାଲ ଧମାଲରେ ନଜର ଆସିବେ । ଏହା ଏକ ମଲ୍ଟିଷ୍ଟାରର ଫିଲ୍ମ । ସେହିପରି ରଣବୀର ଖୁବ ଶୀଘ୍ର ଫିଲ୍ମ ବ୍ରହ୍ମାସ୍ତ୍ରରେ ନଜର ଆସିବେ । ଫିଲ୍ମରେ ତାଙ୍କ ଅପୋଜିଟରେ ଆଲିଆ ଭଟ୍ଟ ନଜର ଆସିବେ ।