ଏହି କମେଡି ଫିଲ୍ମ ପାଇଁ ଅଜୟ ଦେବଗନ ଏବଂ ରାଜକୁମାର ରାଓ ମିଳାଇଲେ ହାତ, ନୁସରତ ଭରୁଚା ମଧ୍ୟ ଆସିବେ ନଜର ।
ଅଭିନେତା ରାଜକୁମାର ରାଓ ଏବଂ ଅଜୟ ଦେବଗନ ନିର୍ଦ୍ଦେଶକ ହଂସଲ ମେହତାଙ୍କ ନୂଆ ଫିଲ୍ମ ପାଇଁ ହାତ ମିଳାଇଥିବା ଖବର ସାମ୍ନାକୁ ଆସିଛି । ନିକଟରେ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ୱିଟ କରି ଏହି ବିଷୟରେ ସୂଚନା ଦେଇଛନ୍ତି । ଟରଣଙ୍କ ଟ୍ୱିଟ ଅନୁସାରେ ବଲିଉଡ ଅଭିନେତା ଅଜୟ ଦେବଗନ ନିର୍ଦ୍ଦେଶକ ହଂସଲ ମେହତାଙ୍କ ନୂଆ ଫିଲ୍ମ ‘ତୁର୍ରମ ଖାନ’କୁ ପ୍ରଡ୍ୟୁସ କରିବେ ।
ତରଣ ନିଜ ଟ୍ୱିଟରେ କହିଛନ୍ତି, ରାଜକୁମାର ରାଓ ଏବଂ ନୁସରତ ଭରୁଚା ‘ତୁର୍ରମ ଖାନ’ ପାଇଁ ଏକା ସହିତ ନଜର ଆସୁଛନ୍ତି । ଏହି ସୋସିଆଲ କମେଡି ଫିଲ୍ମର ନିର୍ଦ୍ଦେଶନା ଦେବେ ହଂସଲ ମେହତା । ଫିଲ୍ମର କାହାଣୀ ଉତ୍ତର ପ୍ରଦେଶରେ ଛୋଟ ସହର ଉପରେ ଆଧାରିତ ହେବ । ଫିଲ୍ମ ‘ତୁର୍ରମ ଖାନ’କୁ ଅଜୟ ଦେବଗନ, ଲଭ ରଂଜନ ଏବଂ ଅଙ୍କିତା ଗର୍ଗ ମିଳିତ ଭାବେ ପ୍ରଡ୍ୟୁସ କରିବେ ।
IT’S OFFICIAL… Rajkummar Rao and Nushrat Bharucha in #TurramKhan… A social-comedy directed by Hansal Mehta… Set in a small town of Uttar Pradesh… Produced by Ajay Devgn, Luv Ranjan and Ankur Garg… Starts Nov 2018… Rajkummar and Nushrat reunite after #LoveSexAurDhokha. pic.twitter.com/Ua6Fqaya2F
— taran adarsh (@taran_adarsh) September 10, 2018
କହିରଖୁଛୁ ଯେ ରାଜକୁମାର ରାଓ ଏବଂ ନୁସରତ ଭରୁଚା ଫିଲ୍ମ ଲଭ ସେକ୍ସ ଆଣ୍ଡ ଧୋକା ପରେ ପୁଣିଥରେ ସ୍କ୍ରିନ ସେୟାର କରିବେ । ୨୦୧୮ ଏହି ଦୁଇ ଷ୍ଟାରଙ୍କ ପାଇଁ ଖୁବ ଭଲ ରହିଛି । ନୁସରତ ବର୍ଷ ଆରମ୍ଭରୁ ‘ସୋନୁ କି ଟିଟୁ କି ସ୍ୱିଟି’ ପରି ହିଟ ଫିଲ୍ମ ଦେଇଥିବା ବେଳେ ରାଜକୁମାର ରାଓଙ୍କ ‘ସ୍ତ୍ରୀ’ ବକ୍ସ ଅଫିସରେ ଏବେ ବି ଛାଇ ରହିଛି । ତେବେ ଏହି ଯୋଡି ଆଗକୁ କ’ଣ କମାଲ କରୁଛନ୍ତି ତାହା ଦେଖିବାକୁ ବାକି ରହିଲା ।
