ବଲିଉଡ ଅଭିନେତା ଅକ୍ଷୟ କୁମାରଙ୍କ ଗଣତି ଏଭଳି ସେଲିବ୍ରିଟିଙ୍କ ମଧ୍ୟରେ ଅଟେ, ଯିଏ ସେଟରେ କଳାକାରଙ୍କ ସହ ଜମେଇକି ପ୍ରାଙ୍କ କରିବାରେ ପ୍ରସିଦ୍ଧ ଅଟନ୍ତି । ସେ କଥା ଫିଲ୍ମର ହେଉ କି ଟିଭି ସୋ’ର, ଅକ୍ଷୟ ନିଜର ମଜାମସ୍ତିରେ ସମସ୍ତଙ୍କୁ ମନୋରଂଜନ କରିବାକୁ ଭୁଲନ୍ତିନାହିଁ । କିଛି ଦିନ ତଳେ ଏକ ଇଭେଂଟରେ ସାମିଲ ହୋଇଥିବା ଅଭିନେତା ଅକ୍ଷୟ କିଛି ଏଭଳି କରିଥିଲେ, ଯାହାଦ୍ୱାରା ସାମ୍ନାରେ ଛିଡା ହୋଇଥିବା ଫଟୋଗ୍ରାଫରଙ୍କ ହାର୍ଟ ବିଟ ବଢିଯାଇଥିଲା ।
ଅକ୍ଷୟଙ୍କର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ ମିଡିଆ ଫଟୋଗ୍ରାଫରଙ୍କୁ ରାଗରେ ଚାହିଁ ତାଙ୍କ ଆଡକୁ ଯାଉଥିବାର ନଜର ଆସିଛନ୍ତି । ଅକ୍ଷୟଙ୍କ ଏକ୍ସପ୍ରେଶନ ଦେଖି ସେ ନିଶ୍ଚୟ ଡରି ଯାଇଥିବେ, ପୁଣି ନିଜର ହସ ଦେଖାଇ ଅକ୍ଷୟ ପରିବେଶକୁ ଆନନ୍ଦଭରା କରିଥିଲେ ।
