ମୋଦୀଙ୍କୁ All Indian Cine Workers Associationର ନିବେଦନ, କହିଲେ ପାକିସ୍ତାନ କଳାକାରଙ୍କ ଉପରେ ଲାଗୁ ପୂରା ବ୍ୟାନ
ଜମ୍ମୁ କଶ୍ମୀରରେ ଧାରା ୩୭୦ର ଉଚ୍ଛେଦ ପ୍ରସଙ୍ଗ ଏବେ ଚର୍ଚ୍ଚାରେ । କାଶ୍ମୀରରେ ଧାରା ୩୭୦କୁ ଉଠାଇ ଦିଆଯିବା ପରେ ପାକିସ୍ତାନ ସରକାର ଘୋଷଣା କରିଛନ୍ତି ଯେ, ପାକିସ୍ତାନ ସିନେମା ଘର ଗୁଡିକରେ ଭାରତୀୟ ଫିଲ୍ମର ସ୍କ୍ରିନିଂ ହେବ ନାହିଁ । ଏହା ପରେ ଅଲ ଇଣ୍ଡିଆ ସିନେ ୱାକର୍ସ ଆସୋସିଏସନ ( All Indian Cine Workers Association ) ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ପତ୍ର ଲେଖି ପାକିସ୍ତାନୀ କଳାକାର, ରାଜନୈତିକ ଏବଂ ପାକିସ୍ତାନ ସହ ଦ୍ୱିପାକ୍ଷିକ ସମ୍ବନ୍ଧ ଉପରେ ଆଲୋଚନା ଉପରେ ବ୍ୟାନ କରିବା ପାଇଁ ଦାବି କରିଛନ୍ତି ।
All Indian Cine Workers Association (AICWA) mentions in its letter to PM Modi, “Entire film industry and cine workers have refused to resume work, till there is a complete ban of Pakistani movie makers, artists, and trade partner” https://t.co/Ayle5IBfSS
— ANI (@ANI) August 9, 2019
ଏଥି ସହିତ AICWA ମୋଦୀଙ୍କୁ ଚିଠି ଲେଖି କହିଛନ୍ତି ଯେ, ପୂରା ଫିଲ୍ମ ଇଣ୍ଡଷ୍ଟ୍ରି ସେ ପର୍ଯ୍ୟନ୍ତ କାମ କରିବ ନାହିଁ ଯେତେ ଯାଏଁ ପାକିସ୍ତାନ ଫିଲ୍ମ ମେକର୍ସ, ଆର୍ଟିସ୍ଟ ଏବଂ ଟ୍ରେଡ ପାର୍ଟନରଙ୍କ ଉପରେ ବ୍ୟାନ ଲଗାଯାଇ ନାହିଁ । ଧାରା ୩୭୦ ଓ ୩୫ଏ କୁ ଉଠାଇ ଦେବା ପରେ ପାକିସ୍ତାନ କାଶ୍ମୀରର ଲୋକଙ୍କୁ ଭାରତ ସରକାର ବିପକ୍ଷରେ ଅସହଯୋଗ ଆନ୍ଦୋଳନ କରିବା ପାଇଁ ପ୍ରବତାଉଛନ୍ତି ।
ଆପଣଙ୍କୁ କହିରଖୁଛୁ କି, ସୋମବାର ଦିନ ମୋଦୀ ସରକାର ଜମ୍ମୁ କଶ୍ମୀରରେ ଧାରା ୩୭୦ ଉଠାଇ ଦେବାକୁ ଘୋଷଣା କରିଥିଲା । ଏହା ସହିତ ଜମ୍ମୁ ଓ କାଶ୍ମୀରର ପୁର୍ନଃଗଠନ ପାଇଁ ମଧ୍ୟ ଘୋଷଣା କରାଯାଇଛି । ଏବେ ଜମ୍ମୁ-କଶ୍ମୀରକୁ ଦୁଇ ଭାଗରେ ବଣ୍ଟନ କରାଯାଇଛି । ଏଥିରେ ଜମ୍ମୁ କଶ୍ମୀର ଓ ଲଦାଖ ଦୁଇଟି କେନ୍ଦ୍ର ଶାସିତ ଅଞ୍ଚଳରେ ପରିଣତ ହୋଇଛି ।