କେରଳ ପିଡ଼ିତଙ୍କୁ ଅମ୍ବାନୀ ପରିବାର ସାହାଯ୍ୟ କଲେ ୭୧ କୋଟି, ଜାଣନ୍ତୁ କେଉଁ ରାଜ୍ୟ କେତେ ଦେଲେ?

ବନ୍ୟା ନଷ୍ଟ ଭ୍ରଷ୍ଟ ହୋଇ ଯାଇଥିବା କେରଳକୁ ସାହାଯ୍ୟ କରିବା ପାଇଁ ସାରା ଦେଶରୁ ଲୋକ ଆଗକୁ ଆସିଛନ୍ତି, ଏହା ସହିତ ପ୍ରତ୍ୟେକ ରାଜ୍ୟ ସରକାର ମଧ୍ୟ । ଏହା ବ୍ୟତୀତ ଏବେ ଅମ୍ବାନୀ ପରିବାର ରିଲାଏନ୍ସ ଫାଉଣ୍ଡେସନ ବନ୍ୟା ପ୍ରପିଡ଼ିତଙ୍କୁ ସାହାଯ୍ୟ କରିବା ପାଇଁ ମୁଖ୍ୟମନ୍ତ୍ରୀ ରାଜ୍ୟକୋଷକୁ ୨୧ କୋଟିର ଆର୍ଥିକ ସହାୟତା କରିବା ପାଇଁ ଘୋଷଣା କରିଛନ୍ତି । ଏହା ସହିତ ରିଲାଏନ୍ସ ଫାଉଣ୍ଡେସନ ୫୧ କୋଟି ଟଙ୍କା ସାମଗ୍ରୀ ମଧ୍ୟ ପଠାଇବେ ।

ମିଡିଆ ରିପୋର୍ଟ ଅନୁସାରେ କୌଣସି ଭାରତୀୟ କମ୍ପାନୀ ଅପେକ୍ଷା ରିଲାଏନ୍ସ କମ୍ପାନୀର ସହାୟତା ନିହାତି ଭାବରେ ସବୁଠାରୁ ଅଧିକ । ଏହା ସହିତ କେତେକ ରାଜ୍ୟ ମାନଙ୍କ ଦ୍ୱାରା ଦିଆ ଯାଇଥିବା ସହାୟତା ଠାରୁ ମଧ୍ୟ ଯଥେଷ୍ଟ ଅଧିକ ।
ଏହି ମଧ୍ୟରେ ରିଲାଏନ୍ସ ଫାଉଣ୍ଡେସନର ଚେୟାରପର୍ସନ ନୀତା ଅମ୍ବାନୀ କହିଛନ୍ତିଯେ କେରଳର ଲୋକ ଏବେ ଖୁବ ସମସ୍ୟାର ସାମ୍ନା କରୁଛନ୍ତି ଏବଂ ଫାଉଣ୍ଡେସନ ଟିମ ସେଠାରେ ସେମାନଙ୍କୁ ସାହାଯ୍ୟ କରିବା ପାଇଁ ଅଛନ୍ତି । ଏଥିପାଇଁ ଆମେ ମୁଖ୍ୟମନ୍ତ୍ରୀଙ୍କ ରାଜକୋଷକୁ ୨୧ କୋଟିର ସହାୟତା କରିଛୁ । ଏହା ସହିତ ରିଲାଏନ୍ସ ଫାଉଣ୍ଡେସନ କେରଳ ବନ୍ୟାରେ ନଷ୍ଟ ହୋଇଥିବା ଇନଫ୍ରାଷ୍ଟ୍ରକଚରକୁ ଠିକ କରିବ, ରିଲିଫ କ୍ୟାମ୍ପ ଲଗାଇବା, ସ୍କୁଲ ଏବଂ ହସ୍ପିଟାଲର ମରାମତି କରିବା ପାଇଁ ମଧ୍ୟ ଘୋଷଣା କରିଛନ୍ତି ।

କେନ୍ଦ୍ର ସରକାରଙ୍କ କଥା ଆଲୋଚନା କରିବା ତେବେ ପି ଏମ ମୋଦି କେରଳକୁ ୫୦୦ କୋଟିର ସହାୟତା ପାଇଁ ଘୋଷଣା କରିଛନ୍ତି । ଏହା ପୂର୍ବରୁ ଗୃହମନ୍ତ୍ରୀ ରାଜନାଥ ସିଂ ୧୦୦ କୋଟିର ସହାୟତା ରାଶି ଦେଇ ସାରିଛନ୍ତି । କେବଳ ସେତିକି ନୁହେଁ ପିଏମ ମୋଦି ରାଜ୍ୟ ସରକାରଙ୍କୁ ଆତ୍ମବିଶ୍ୱାସ ଦେଇଛନ୍ତିଯେ ଅନୁରୋଧ ଅନୁସାରେ ଖାଦ୍ୟ ଓ ଔଷଧ ସହିତ ରିଲିଫ ପ୍ରଦାନ କରାଯିବ ।

କେରଳକୁ ସାହାଯ୍ୟ ପାଇଁ କେତେକ ରାଜ୍ୟ ମଧ୍ୟ ଆଗେଇ ଆସିଛନ୍ତି । ମହାରଷ୍ଟ୍ର ସରକାର ୨୦ କୋଟି,ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ୧୫ କୋଟି ଏବଂ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାୱତ ୫ କୋଟିର ସହାୟତା ରାଶି ପ୍ରଦାନ କରିଛନ୍ତି ।

 

ଝାଡ଼ଖଣ୍ଡ ମୁଖ୍ୟମନ୍ତ୍ରୀ ରଘୁବର ଦାଶ ୫ କୋଟିର ଘୋଷଣା କରିଛନ୍ତି । ଦିଲ୍ଲୀ ସରକାର ନିଷ୍ପତ୍ତି ନେଇଛନ୍ତିଯେ ଆମ ଆଦମୀ ପାର୍ଟିର ସମସ୍ତ ବିଧାୟକ ନିଜର ଗୋଟିଏ ମାସର ଦରମା ବନ୍ୟା ପ୍ରପିଡ଼ିତ ଲୋକଙ୍କୁ ପ୍ରଦାନ କରିବେ । ବିହାରର ମୁଖ୍ୟମନ୍ତ୍ରୀ ନିତିଶ କୁମାର ୧୦ କୋଟିର ସହାୟତା ରାଶି ପାଇଁ ଘୋଷଣା କରିଛନ୍ତି ।

ଗୁଜୁରାଟ ମୁଖ୍ୟମନ୍ତ୍ରୀ ବିଜୟ ରୂପାଣୀ ୧୦ କୋଟି ଦେବା ପାଇଁ ଘୋଷଣା କରିଛନ୍ତି । କଂଗ୍ରେସର ସମସ୍ତ ବିଧାୟକ,ସାଂସଦ,ଏମଏଲସି ନିଜର ଗୋଟିଏ ମାସର ଦରମା ଦେବେ ।

ତାମିଲନାଡୁ ସରକାର ୫ କୋଟି,ଏବଂ ଏହା ସହିତ ୫୦୦ ମେଟ୍ରିକ ଟନ ଚାଉଳ,୩୦୦ ମେଟ୍ରିକ ଟନ ଦୁଗ୍ଧ ପାଉଡର ପଠାଇବା ପାଇଁ ନିଷ୍ପତ୍ତି ନେଇଛନ୍ତି ।

ଓଡ଼ିଶା ସରକାର ୧୦ କୋଟିର ସହାୟତା ରାଶି,୮ କୋଟିର ପଲିଥିନ ଏବଂ ୨୫୦ ଜଣିଆ ଉଦ୍ଧାରକାରୀ ଦଳକୁ ପଠାଇଛନ୍ତି । ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ବନ୍ୟା ପ୍ରଭାବିତ ଲୋକଙ୍କୁ ୧୦ କୋଟିର ସହାୟତା ରାଶି ଦେବା ପାଇଁ ଘୋଷଣା କରିଛନ୍ତି ।

ପଂଜାବ ମୁଖ୍ୟମନ୍ତ୍ରୀ ୧୦ କୋଟିର ସହାୟତା ରାଶି ଘୋଷଣା କରିଛନ୍ତି । ୫ କୋଟି ରାଜ୍ୟ କୋଷକୁ ଏବଂ ୫ କୋଟି ଅନ୍ୟ ଖାଦ୍ୟ ପଦାର୍ଥ ଭାରତୀୟ ରକ୍ଷା ମନ୍ତ୍ରାଳୟ ଦ୍ୱାରା ଦିଆଯିବ ।