ବିଗ ବିଙ୍କ ଶରୀର ଅଧିକ ଅସୁସ ହେବାରୁ କାମରୁ ଛୁଟି ନେବାକୁ ଡାକ୍ତର ଦେଲେ ପରାମର୍ଶ !
ବଲିଉଡ ମହାନାୟକ ଅମିତାଭ ବଚ୍ଚନ ଆଜି ଦେଶର ସବୁଠାରୁ ଟପ ତାଲିକାରେ ରହିଛନ୍ତି । ସେ ନିକଟରେ ଅଭିନୟ ଦୁନିଆରେ ୫୦ବର୍ଷ ପୂରଣ କରିଛନ୍ତି । କିନ୍ତୁ ଏବେ ବିଗ ବିଙ୍କ ଶରୀର ଅସୁସ୍ଥତା କାରଣରୁ ଡାକ୍ତର ତାଙ୍କୁ କାମ ଛାଡି ଆରମ କରିବାକୁ ପରାମର୍ଶ ଦେଇଛନ୍ତି । କିନ୍ତୁ ବିଗ ବି ନିଜ ପ୍ରଶଂସକଙ୍କ ପାଇଁ କାମ ନ ଛାଡିବା ପାଇଁ ଚାହୁଛନ୍ତି ।
ନିକଟରେ ବିଗ ବି ନିଜ ଅଧିକୃତ ବ୍ଲଗରେ ଲେଖିଛନ୍ତି ଯେ ପୃଥିବୀରେ ଧଳା ପୋଷାକରେ ଦେବଦୂତ ଅର୍ଥାତ ଡାକ୍ତର ତାଙ୍କୁ କାମରୁ ଛୁଟି ନେବା ପାଇଁ ପରାମର୍ଶ ଦେଇଛନ୍ତି । କିନ୍ତୁ ସେ ଖୁବଶୀଘ୍ର କାମକୁ ଫେରିବାକୁ ଚାହୁଁଛନ୍ତି । ବିଗ ବି ନିଜ ଘର ଜଲସାରେ ଡାକ୍ତରଙ୍କ ସହ କିଛି ଫଟୋ ମଧ୍ୟ ଶେୟାର କରି ନିଜ ପ୍ରଶଂସକଙ୍କୁ ଅପଡେଟ ଦେଇଛନ୍ତି ।
ବିଗ ବି ଲେଖିଛନ୍ତି ଯେ ବୟସ ବୃଦ୍ଧି ହେବା ସଙ୍ଗେ ସଙ୍ଗେ ସେ ମଧ୍ୟ ଜଟିଳ ପରିସ୍ଥିତିର ସାମ୍ନା କରୁଛନ୍ତି , ଶରୀରର ଏହି ସ୍ଥିତିରେ ସବୁ ପଟି ନଳି ଭର୍ତ୍ତି କରାଯାଉଛି । କେଉଁ ପଟୁ ସାଲାଇନ, କେଉଁପଟୁ ଇେଂଜକ୍ସନ ତ କେଉଁ ପଟରୁ ସୋନୋଗ୍ରାଫ ମିଟର । ଶରୀରକୁ ଏବେ ଅନେକ ପ୍ରକାର ସୁଡଙ୍ଗ ଦେଇ ଗତି କରିବାକୁ ପଡୁଛି ।
T 3541 – .. the claustrophobic sound inside the ‘tube’ be of such magnitude that the elements that gave those indications of illness, themselves perish in the volume of thought that has prevailed ..
saying from recent experience ..— Amitabh Bachchan (@SrBachchan) November 6, 2019
ଇଂଜେକ୍ସନ ଜରିଆରେ ଶରୀରରେ ଔଷଧ ପହଂଚା ଯାଉଛି ଏବଂ ଧଳା ପୋଷାକ ପିନ୍ଧା ଦେବଦୂତ କହୁଛନ୍ତି ଏବେ କାମରୁ ଆରାମ ନିଅ । ଏହାସହ ବିଗ ବି ଲେଖିଛନ୍ତି ଯେ ସେ ଉଠିବେ , ପୁଣିଥରେ କାମକୁ ଫେରିବେ ଏବଂ ସମସ୍ତ ପ୍ରଶଂସକଙ୍କୁ ପୁଣିଥରେ ଏଂଟରଟେନ କରାଇବେ ।
ତେବେ ଏଠାରେ ଆମେ କହି ରଖୁଛୁ ଯେ ଝୁଣ୍ଡ, ଚେହେରା, ଗୁଲାବୋ ସିତାବୋ ଏବଂ ବ୍ରହ୍ମାସ୍ତ୍ର ଭଳି ଫିଲ୍ମରେ ନଜର ଆସିବେ । ଏହାବ୍ୟତୀତ ‘କୌନ ବନେଗା କରୋଡପତି’ର ୧୧ତମ ସିଜନ ମଧ୍ୟ ଏବେ ଚାଲିଛି ।