ଅନୁପମ ଖେର ‘ହିନ୍ଦୀ’କୁ ନେଇ କହିଲେ ଏଇ କଥା, ଭାଇରାଲ ହେଲା ଟ୍ୱିଟ ।
ବଲିଉଡ ଅଭିନେତା ଅନୁପମ ଖେର ପ୍ରାୟ ୪ ଦଶକ ହେବ ଭିନ୍ନ ଭିନ୍ନ ରୂପରେ ଦର୍ଶକଙ୍କୁ ମନୋରଞ୍ଜନ କରିଆସୁଛନ୍ତି । ହିନ୍ଦୀ ଦିବସ ଅବସରରେ ଅଭିନେତା ଅନୁପମ ଖେର ହିନ୍ଦୀ ଭାଷା ପ୍ରତି ନିଜର ଭଲପାଇବାକୁ ବ୍ୟକ୍ତ କରି ସୋସିଆଲ ମିଡିଆରେ ଏକ ଟ୍ୱିଟ କରିଛନ୍ତି ।
ଅଭିନେତା ଅନୁପମ ଖେର ନିଜର ଟ୍ୱିଟ ହ୍ୟାଣ୍ଡେଲରେ ଲେଖିଥିଲେ, ବଡ ଛୋଟକୁ ମାନେ ନାହିଁ ହିନ୍ଦୀ । ହିନ୍ଦୀ ଭାଷାରେ କ୍ୟାପିଟାଲ କି ସ୍ମଲ ଲେଟର ନଥାଏ… ସମସ୍ତ ଏଠାରେ ସମାନ । ଏହା ସହିତ ଅଧା ଅକ୍ଷରକୁ ସାହାରା ଦେବା ପାଇଁ ଏଠାରେ ପୂରା ଅକ୍ଷର ସର୍ବଦା ପ୍ରସ୍ତୁତ ଥାଏ । ଜୟ ହୋ । ହିନ୍ଦୀ ଦିବସ ।
ऊँच नीच को नहीँ मानती हिन्दी…
इसमें कोई भी कैपिटल या स्माल लैटर नहीँ होता…सब बराबर होते हैं !!
साथ ही आधे अक्षर को सहारा देने के लिए पूरा अक्षर हमेशा तैयार रहता है। जय हो।?? #हिंदीदिवस— Anupam Kher (@AnupamPKher) September 14, 2018
ଅନୁପମ ଖେର ଏପରି ଜଣେ ଅଭିନେତା ଯେ ହିନ୍ଦୀ ଭାଷାରେ ଖୁବ ସୁନ୍ଦର ଏବଂ ସରଳତା ସହିତ ନିଜର ଡାଇଲଗ କହିଥାନ୍ତି । ସେ ପାଖାପାଖି ୪୦୦ ହିନ୍ଦୀ ଫିଲ୍ମରେ କାମ କରିଛନ୍ତି । ପ୍ରତ୍ୟେକ ଫିଲ୍ମରେ ସେ ଭିନ୍ନ ଭିନ୍ନ ଚରିତ୍ରରେ ନଜର ଆସିଛନ୍ତି ଏବଂ ନିଜକୁ ଜଣେ ପୋଖତ ଅଭିନେତା ବୋଲି ପ୍ରାମଣ କରିଛନ୍ତି । ତାଙ୍କର ଆଗାମୀ ଫିଲ୍ମ ବିଷୟରେ କହିବାକୁ ଗଲେ ସେ ଖୁବ ଶୀଘ୍ର ଆକ୍ସିଡେଣ୍ଟାଲ ପ୍ରାଇମ ମିନିଷ୍ଟରରେ ନଜର ଆସିବେ । ଏହି ଫିଲ୍ମରେ ସେ ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂଙ୍କ ରୋଲରେ ନଜର ଆସିବେ ।
