ଅନୁଷ୍କା ଶର୍ମାଙ୍କ ହାତରେ ଲାଗିଲା ନୂଆ ପ୍ରୋଜେକ୍ଟ, ପୋଲିସ ଅଫିସର ଭୂମିକାରେ ଆସିବେ ନଜର, ଦେଖନ୍ତୁ ପ୍ରଥମ ଫଟୋ
ବଲିଉଡ ଫିଲ୍ମ ଜିରୋ ପରେ ଅଭିନେତ୍ରୀ ଅନୁଷ୍କା ଶର୍ମା ବଲିଉଡ ଫିଲ୍ମ ଟାରୁ ଦୂରେଇ ଯାଇଛନ୍ତି । ଅନେକ ପ୍ରୋଜେକ୍ଟରେ ଅନୁଷ୍କା ଶର୍ମାଙ୍କ ନାମ ସାମ୍ନାକୁ ଆସିଛି ସତ କିନ୍ତୁ ଏହାକୁ ନେଇ ଅନୁଷ୍କା କିଛି ସ୍ପଷ୍ଟ କରିନାହାଁନ୍ତି । ତେବେ ଅନୁଷ୍କାଙ୍କୁ ଫିଲ୍ମରେ ପୁଣିଥରେ ଦେଖିବା ପାଇଁ ଫ୍ୟାନ୍ସ ଅପେକ୍ଷା କରି ରହିଥିବା ବେଳେ ସେ ଖୁବ ଶୀଘ୍ର ପରଦାରେ ଏକ ଭିନ୍ନ ଅବତାରରେ ନଜର ଆସିବେ ବୋଲି ଖବର ଆସିଛି ।
ମିଳିଥିବା ସୂଚନା ଅନୁସାରେ ଅନୁଷ୍କା ଖୁବ ଶୀଘ୍ର ପରଦାକୁ ଫେରୁଛନ୍ତି ସତ କିନ୍ତୁ କୌଣସି ଫିଲ୍ମ କିମ୍ବା ୱେବ ସିରିଜ ଜରିଆରେ ନୁହେଁ ବରଂ ଏକ ଟିଭି କମର୍ସିଆଲ ଜରିଆରେ । ଏହି ବିଜ୍ଞାପନର ପ୍ରଥମ ଫଟୋ ମଧ୍ୟ ସାମ୍ନାକୁ ଆସିସାରିଛି । ଏହି ପ୍ରୋଜେକ୍ଟ ସହ ଜଡିତ ଏକ ସୂତ୍ର ସୂଚନା ଦେଇ କହିଛନ୍ତି, ଅନୁଷ୍କା ଏହି ଆଡ ଫିଲ୍ମରେ ଜଣେ ପୋଲିସ ଅଫିସର ଭୂମିକାରେ ନଜର ଆସିବେ । ଏବଂ ଏଥିରେ ସେ ଅପରାଧି ଘରେ ଛାପା ମାରୁଥିବାର ନଜର ଆସିବେ । ଏହା ଏକ ମଜାଦାର ବିଜ୍ଞାପନ ହେବ ।