ଆପଣ ମଧ୍ୟ ଜ୍ୱର ସମୟରେ ମଥାରେ ଜଳ ପଟିର ବ୍ୟବହାର କରୁଛନ୍ତି କି?
ଜ୍ୱର ହେଲେ ଅଧିକାଂଶ ବ୍ୟକ୍ତି ମଥାରେ ଜଳ ପଟିର ବ୍ୟବହାର କରିଥାନ୍ତି ।ଆପଣ ମଧ୍ୟ ସେହି ମଧ୍ୟରେ ସାମିଲ ଥିବେ । କିନ୍ତୁ ଏହା କେତେ ଦୂର ଠିକ ବୋଧହୁଏ ଆପଣ କିଛି ମାତ୍ରାରେ ଜାଣିଥିବେ ବା କେବଳ ମଥାରେ ଜଳ ପଟି ଦେଲେ ଶରୀରର ତାପମାତ୍ରା କମିଯିବ ବୋଲି ଆପଣ କାହାଠାଣୁ ଶୁଣିଥିବେ । ତେବେ ତାହା ଠିକ,କିନ୍ତୁ ଏହା ସହିତ ଆଉ କ’ଣ କରିବା ଉଚିତ ଜାଣନ୍ତୁ ।
ଯେତେବେଳେ ଜ୍ୱର ୧୦୧ ଡିଗ୍ରୀରୁ ଅଧିକ ବଢିଯାଇଥାଏ ସେତେବେଳେ ସ୍ଥିତି ଗମ୍ଭୀର ହୋଇ ଯାଇଥାଏ । ଏବଂ ପୁଣି ୧୦୩ ଡିଗ୍ରୀକୁ ପହଁଚିବା ବେଳେ ମନରେ ଭୟ ବଢି ଯାଇଥାଏ । ଏହି ସମୟରେ ଡାକ୍ତର ଔଷଧ ଖାଇବାକୁ ଦେଇଥାନ୍ତି, କିନ୍ତୁୁ ବେଳେ ବେଳେ ଔଷଧ ଖାଇବା ପରେ ମଧ୍ୟ ତାପମାନ କମିନଥାଏ । ସେତେବେଳେ ମଥାରେ ପାଣି ପଟି ପକାଇ ଜ୍ୱରକୁ ନିୟନ୍ତ୍ରଣରେ ଆଣିବା ପାଇଁ ଚେଷ୍ଟା କରାଯାଇଥାଏ ।
ଏହି ସମୟରେ ସମ୍ପୂର୍ଣ୍ଣ ଶରୀରରେ ପାଣି ପଟି ପକାଇବା କଥା । ଯଦି ରୋଗୀ ଅଧିକ ଦୁର୍ବଳ ଅନୁଭବ କରୁନଥାନ୍ତି ତେବେ ତାଙ୍କୁ ଥଣ୍ଡା ପାଣିରେ ଗାଧୋଇ ଦେବା ଉଚିତ୍ । ଏଭଳି କରିବା ଦ୍ୱାରା ଶରୀରରୁ ତାପମାନ କମ ହୋଇଥାଏ । ସେଥିପାଇଁ ବରଫ ପାଣି ବ୍ୟବହାର କରିବେ ନାହିଁ ।