ଟ୍ରେଲର ରିଲିଜ ପୂର୍ବରୁ ଜାହ୍ନବୀଙ୍କ ପାଇଁ ଅର୍ଜୁନ ଲେଖିଲେ ଇମୋଶନାଲ ମେସେଜ, ଫିଲ୍ମ ‘ଧଡକ’ ପାଇଁ ଦେଲେ ଶୁଭେଚ୍ଛା
ବଲିଉଡ ଦବଙ୍ଗତ ଅଭିନେତ୍ରୀ ଶ୍ରୀଦେବୀଙ୍କ ଝିଅ ଜାହ୍ନବୀଙ୍କ ପାଇଁ ସୋମବାର ଅର୍ଥାତ ଆଜିର ଦିନଟି ଖାସ ରହିବ । ଆଜି ଜାହ୍ନବୀଙ୍କ ପଥମ ଫିଲ୍ମ ‘ଧଡକ’ର ଟ୍ରେଲର ରିଲିଜ ହେବ ଏହା ସହିତ ପ୍ରଥମଥର ପାଇଁ ତାଙ୍କ ଫାନ୍ସ ଏବଂ ଦର୍ଶକ ତାଙ୍କୁ ଅଭିନେତ୍ରୀ ରୂପରେ ଦେଖିବେ । କରଣ ଜୋହରଙ୍କ ପ୍ରଡକ୍ସନ ହାଉସରେ ନିର୍ମିତ ଏହି ଫିଲ୍ମରେ ଜାହ୍ନବୀ ଇଶାନ ଖଟ୍ଟରଙ୍କ ସହିତ ନଜର ଆସିବେ ।
ଟ୍ରେଲର ରିଲିଜରେ ପୁରା ପରିବାର ଜାହ୍ନବୀଙ୍କ ସହିତ ରହିବେ ସତ କିନ୍ତୁ ତାଙ୍କ ଭାଇ ଅର୍ଜୁନ କପୁର ଟ୍ରେଲର ଲଂଚ ସମୟରେ ଉପସ୍ଥିତ ରହିପାରିବେ ନାହିଁ । କାରଣ ଅର୍ଜୁନ ନିଜର ଫିଲ୍ମ ପାଇଁ ଏବେ ଇଂଲଣ୍ଡରେ ଅଛନ୍ତି । ତେବେ ଟ୍ରେଲର ଲଂଚ ପୂର୍ବରୁ ଅର୍ଜୁନ ଜାହ୍ନବୀଙ୍କ ପାଇଁ ଏକ ଇମୋଶନାଲ ମେସେଜ ଟୁଇଟ କରି ସେୟାର କରିଛନ୍ତି ।
Tomorrow you will be part of the audience forever #JanhviKapoor cause your trailer comes out… Firstly, sorry I’m not there in Mumbai but I’m by your side, don’t worry. (1/3) pic.twitter.com/a1Go2fhZSG
— Arjun Kapoor (@arjunk26) June 10, 2018
ଅର୍ଜୁନ ଗୋଟିଏ ପରେ ଗୋଟିଏ ୩ଟି ଟୁଇଟ କରି ଲେଖିଥିଲେ, ‘କାଲି ତୁମେ ସବୁଦିନ ପାଇଁ ଦର୍ଶକଙ୍କ ଅଂଶ ହେବାକୁ ଯାଉଛ । କାଲି ତୁମ ଫିଲ୍ମର ଟ୍ରେଲର ରିଲିଜ ହେବ । ପ୍ରଥମେ ମୁଁ କ୍ଷମା ମାଗିବାକୁ ଚାହେଁ କାରଣ ମୁଁ ମୁମ୍ବାଇରେ ନାହିଁ । କିନ୍ତୁ ମୁଁ ସବୁବେଳେ ତୁମ ସହିତ ଅଛି ।’ ଏହା ସହିତ ସେ ଆଉ ଏକ ଟୁଇଟରେ କହିଥିଲେ ଏହା ଏକ ଭଲ ପ୍ରୋଫେଶନ ଯଦି ତୁମେ ସର୍ବଦା ପରିଶ୍ରମ ଏବଂ ନିଷ୍ଠାର ସହିତ କାମ କରିବ । ଅନ୍ୟର ଉପଦେଶକୁ କାମରେ ଲଗାଇବ ଏବଂ ନିଜ ରାସ୍ତାରେ ଚାଲିବ । ମୋତେ ଜଣା ଏହା ସହଜ ନୁହେଁ କିନ୍ତୁ ମୁଁ ଜାଣେ ତୁମେ ଏଥିପାଇଁ ପ୍ରସ୍ତୁତ । ଏହା ସହିତ ଅର୍ଜୁନ ‘ଧଡକ’ ପାଇଁ ଶୁଭେଚ୍ଛା ଦେଇଥିଲେ ।
I just wanted you to know this profession is amazing if you work hard, be honest, learn to take the accolades with the brickbats, respect opinions, yet follow your own path & instinct. It’s not gonna be easy but I know you are ready for all the madness that will ensue. (2/3)
— Arjun Kapoor (@arjunk26) June 10, 2018
All the best for #Dhadak! I’m certain that my friends @ShashankKhaitan & @karanjohar have presented you & #IshaanKhatter as the modern Romeo & Juliet with elan !!! 3/3
— Arjun Kapoor (@arjunk26) June 10, 2018
ଉଲ୍ଲେଖଯୋଗ୍ୟ ଯେ ଫିଲ୍ମ ‘ଧଡକ’ ମରାଠୀ ପିଲ୍ମ ‘ସୈରାଟ’ର ରିମେକ । ଫିଲ୍ମର ଟ୍ରେଲର ଆଜି ୧୧ ଟାରେ ରିଲିଜ ହେବ ।
