ଅଷ୍ଟ୍ରେଲିଆ ମଡେଲ ବାଥରୁମରେ ଦେଲେ ଶିଶୁ କନ୍ୟାକୁ ଜନ୍ମ, ଡେଲିଭରୀର ମାତ୍ର ୧୦ ମିନିଟ ପୂର୍ବରୁ ଜାଣିଲେ ଅଛନ୍ତି ପ୍ରେଗ୍ନେଣ୍ଟ !
୨୩ ବର୍ଷିୟ ଅଷ୍ଟ୍ରେଲିଆନ ମଡେଲ ଏରିନ ଲେଙ୍ଗମେଡ ନିକଟରେ ଏକ କନ୍ୟା ସନ୍ତାନକୁ ଜନ୍ମ ଦେଗଇଛନ୍ତି । କିନ୍ତୁ ଏରିନଙ୍କ କାହାଣୀ ଅନ୍ୟ କୌଣସି ମହିଳାଙ୍କ ଠାରୁ ଖୁବ ଭିନ୍ନ । ଅସଲରେ ଏରିନଙ୍କୁ ଡେଲିଭରୀ ହେବାର ମାତ୍ର ୧୦ ମିନିଟ ପୂର୍ବରୁ ଜଣାପଡିଥିଲା ସେ ପ୍ରେଗ୍ନଣ୍ଟ ଅଛନ୍ତି । ଏରିନ ବାଥରୁମରେ ହିଁ ଶିଶୁକୁ ଜନ୍ମ ଦେଇଥିଲେ । ତାଙ୍କର ଏହି କାହାଣୀ ମିଡିଆରେ ଆସିବା ପରେ ଏହାକୁ ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି । ଏରିନ ସୋସିଆଲ ମିଡିଆରେ ବେବିର ଫଟୋ ସେୟାର କରି ଏହି ବିଷୟରେ ସୂଚନା ଦେଇଥିଲେ ।
View this post on Instagram
The hardest week of our lives, you are my rock. And now you are Isla’s. 2 years with you 💗
ଏରିନ ମିଡିଆକୁ କହିଛନ୍ତି ସେ ଡେଲିଭରୀ ଦେବାର ମାତ୍ର ୧୦ ମିନିଟ ପୂର୍ବରୁ ପ୍ରେଗ୍ନେଣ୍ଟ ହେବାର ଅନୁଭବ କରିଥିଲେ । ସେ କିଛି ସମୟରୁ ଗର୍ଭ ନିରୋଧକ ଔଷଧ ଖାଉଥିଲେ । ସେଥିପାଇଁ ସେ ପ୍ରେଗ୍ନେଣ୍ଟ ଅଛନ୍ତି ବୋଲି ଜାଣିପାରିନଥିଲେ । କେବଳ ଏତିକି ନୁହେଁ ଗର୍ଭବତୀ ଥାଇ ମଧ୍ୟ ତାଙ୍କ ଶରୀରରେ ମଧ୍ୟ କିଛି ଖାସ ପରିବର୍ତ୍ତନ ହୋଇନଥିଲା । ସେ ନିଜର ପୁରୁଣା ପୋଷାକ ହିଁ ପିନ୍ଧୁଥିଲେ ।
ଏରିନ ଫଟୋ ସୋସିଆଲ ମିଡିଆରେ ଫଟୋ ସେୟାର କରି କହିଛନ୍ତି, ‘ଏହା ମୋ ଜୀବନର ସବୁଠାରୁ କଠିନ ସମୟ । ଯାହା ବି ହେଲା ସବୁ ହଠାତ ହେଲା ।’ ସୂଚନା ଅନୁସାରେ ଏହି ସ୍ଥିତିକୁ ବିଜ୍ଞାନ ଭାଷାରେ ଗୁପ୍ତ ଗର୍ଭାବସ୍ଥା କୁହାଯାଏ । ଏହି ମାମଲା ୨୫୦୦ ମହିଳାଙ୍କ ମଧ୍ୟରେ ଜଣଙ୍କ ଠାରେ ଦେଖିବାକୁ ମିଳିଥାଏ । ଏହି ସ୍ଥିତିରେ ମହିଳାଙ୍କୁ ତାଙ୍କର ଗର୍ଭାବସ୍ଥା ବିଷୟରେ ଜଣାପଡେ ନାହିଁ । କେବଳ ଏତିକି ନୁହେଁ ଶରୀରରେ ମଧ୍ୟ କୌଣସି ପରିବର୍ତ୍ତନ ହୋଇନଥାଏ ।
