‘ଆଭେଞ୍ଜର୍ସ ଏଣ୍ଡଗେମ’ ୨୬ ଏପ୍ରିଲରେ ରିଲିଜ ହେବାକୁ ଥିବା ବେଳେ ଏହା ପୂର୍ବରୁ ମେକର୍ସ ସିନେମା କାର୍ନ ଇଭେଣ୍ଟରେ ଫିଲ୍ମର ଆରମ୍ଭରୁ ୧୦ ମିନିଟର ସ୍କ୍ରିନିଂ କରିଥିଲେ । ଏହା ପରେ ମାର୍ବଲ ଷ୍ଟୁଡିଓ ଏହି ଭିଡିଓ କ୍ଲିପକୁ ନିଜ ଅଫିସିଆଲ ୟୁଟ୍ୟୁବ ଚ୍ୟାଲେଲରେ ସେୟାର କରିଛନ୍ତି ।
ଏହି ଭିଡିଓ କ୍ଲିପକୁ ଦେଖିବା ପରେ ଆପଣଙ୍କର ଫିଲ୍ମରୁ ନେଇ ଆହୁରି ଜିଜ୍ଞାସା ବଢି ଯିବ । ଭିଡିଓରେ ଦେଖିବାକୁ ମିଳିଛି ଯେ ଫିଲ୍ମର ସମସ୍ତ ସୁପରହିରୋ ଗୋଟିଏ ରୁମରେ ପ୍ଲାନ କରୁଛନ୍ତି ଯେ ବାକି ସପୁରହିରୋଜଙ୍କୁ କିପରି ଫେରାଇ ଆଣିବେ ।
ଭିଡିଓରେ କ୍ୟାପଟେନ ମାର୍ବଲ କହୁଛନ୍ତି ଯେ ଆମେ ଥାନୋସ ଠାରୁ ଇନଫିନିଟି ଷ୍ଟୋନ ହାସିଲ କରି ସମସ୍ତ ସୁପରହିରୋଙ୍କୁ ଜୀବିତ କରିବାକୁ ପଡିବ । ଏହାକୁ ନେଇ ବ୍ରୁସ ବୟାନର କହୁଛନ୍ତି ଆମ ସଂଖ୍ୟା ଖୁବ କମ । ବ୍ଲାକ ୱିଡୋ କହୁଛନ୍ତି ସମସ୍ତ ସହିଦଙ୍କୁ ଫେରାଇ ଆଣିବା ପାଇଁ ଆମକୁ ଚେଷ୍ଟା କରିବାକୁ ପଡିବ । ଏହାକୁ ନେଇ ବ୍ରୁସ କହୁଛନ୍ତି କ’ଣ ଗ୍ୟାରେଣ୍ଟି ଅଛି ଆମେ ଜିତି ଯିବା ବୋଲି । କିନ୍ତୁ କ୍ୟାପଟେନ ମାର୍ବଲ କହୁଛନ୍ତି ଏଥର ମୁଁ ତୁମ ସହିତ ଅଛି । ବ୍ରୁସ ଏହାକୁ ନେଇ କୁହନ୍ତି ଏହି ରୁମରେ ଥିବା ସମସ୍ତ ଲୋକ ସପରହିରୋ ଅଟନ୍ତି , ଏପର୍ଯ୍ୟନ୍ତ ସେମାନେ କେଉଁଠି ଥିଲେ ? କ୍ୟାପଟେନ ମାର୍ବଲ ଏହାର ଉତ୍ତର ଦେଇ କୁହନ୍ତି ବ୍ରହ୍ମାଣ୍ଡରେ ଅନେକ ଗ୍ରହ ଅଛି କିନ୍ତୁ ଅବଶୋଷର ବିଷୟ ତାଙ୍କ ପାଖରେ ଆପଣ ମାନେ ନଥିଲେ ।
ମାର୍ବଲର ଆଗାମୀ ଫିଲ୍ମ ‘ଆଭେଞ୍ଜର୍ସ ଏଣ୍ଡଗେମ’ର କାହଣୀ ସେହିଠାରୁ ଆରମ୍ଭ ହେବ ଯେଉଁଠି ‘ଆଭେଞ୍ଜର୍ସ ଇନଫିନିଟି’ର କାହଣୀ ଶେଷ ହୋଇଥିଲା । ଫିଲ୍ମରେ ଥାନୋସ ଅଧା ସୁପରହିରୋଙ୍କୁ ମାରି ଦେଇଥିବା ବେଳେ ଏବେ ଆଗକୁ କ’ଣ ହେବ ତାହାକୁ ଦର୍ଶକ ଆପେକ୍ଷା କରି ରହିଛନ୍ତି । ଏବଂ ଏହାର ଉତ୍ତର ୨୬ ଏପ୍ରିଲରେ ମିଳିବ ।