କାହିଁକି ପ୍ରତିଦିନ ମୃଦୁ ପାନୀୟ ପିଇବା ଅନୁଚିତ ।
ପିଲା ହୁଅନ୍ତୁ ବା ବୟସ୍କ ମୃଦୁ ପାନୀୟ ପିଇବାକୁ ସମସ୍ତେ ପସନ୍ଦ କରନ୍ତି । ଗ୍ରୀଷ୍ମଦିନେ ତ ପ୍ରତିଦିନ ଏହାକୁ ପିଅନ୍ତି । ଶୋଷ ହେଉଥିବା ସମୟରେ ଏହାକୁ ପିଇଦେଲେ ଖୁବ ଶାନ୍ତି ମିଳେ କିନ୍ତୁ ଏହାଯେ ଶରୀର ପାଇଁ କେତେ କ୍ଷତିକାରକ ସେଥିପ୍ରତି କେହି ମଧ୍ୟ ଦୃଷ୍ଟି ଦିଅନ୍ତି ନାହିଁ ।
ପ୍ରତିଦିନ ମୃଦୁପାନୀୟ ପିଉଥିଲେ ସତର୍କ ହୋଇ ଯାଆନ୍ତୁ । କାରଣ ଏଥିରେ ଥିବା ଚିନିର ମାତ୍ରା ଶରୀର ଭିତରକୁ ଯାଇ ଟାଇପ୍-୨ ମଧୁମେହ ରୋଗ ସୃଷ୍ଟି କରିଥାଏ ।୬୦୦ମିଲିଲିଟର ସୋଡାରେ ୨୪୦କ୍ୟାଲୋରୀ ସହ ଚିନି ମଧ୍ୟ ଅଧିକ ମାତ୍ରରେ ରହିଥାଏ । ଯାହା ମୋଟାପଣର କାରଣ ବନି ଯାଇଥାଏ । ପ୍ରତିଦିନ ଗୋଟେ କେନ୍ ମୃଦୁପାନୀୟ ପିଇବା ଦ୍ୱାରା ବର୍ଷକ ମଧ୍ୟରେ ୬କିଲୋ ଓଜନ ବଢ଼ିଥାଏ ।ଅଧିକ ସୋଡା ପିଇବା ଦ୍ୱାରା ଶରୀରରେ ଏସିଡ୍ ସ୍ତର ବଢ଼ି ଯାଇଥାଏ । ଯାହାର ପ୍ରଭାବ ଶରୀର ସହ ଦାନ୍ତ ଉପରେ ମଧ୍ୟ ପଡ଼ିଥାଏ । ଯାହାଦ୍ୱାରା ଦାନ୍ତ ପୋକ କାଟିବା, ଦୁର୍ଗନ୍ଧ ବାହାରିବା ଭଳି ସମସ୍ୟା ଦେଖା ଯାଇଥାଏ ।ମୃଦୁପାନୀୟରେ ଏସିଡିକ୍ ଲିକ୍ୟୁଡ୍ ଏବଂ ଫସ୍ଫୋରିକ୍ ଏସିଡ୍ ରହିଥାଏ । ଯାହା ବଡି ସିଷ୍ଟମକୁ କିଛି ସମୟ ପାଇଁ ଅଟକାଇ ଦେବା ସହ କିଡ୍ନୀ ଉପରେ ପ୍ରଭାବ ପକାଇଥାଏ । ଅନେକ ସମୟରେ କିଡ୍ନୀରେ ଷ୍ଟୋନ୍ ହେବାର ସମସ୍ୟା ମଧ୍ୟ ଦେଖା ଯାଇଥାଏ ।