ବିନା ହେଲମେଟରେ ସ୍କୁଟି ଚଲାଉଥିଲେ ସଲମାନଙ୍କ ଭିଣୋଇ, ଧରିଲେ ଟ୍ରାଫିକ ପୋଲିସ ।
ସଲମାନଙ୍କ ଭଉଣୀ ଅର୍ପିତାଙ୍କ ସ୍ୱାମୀ ଆୟୁଷ ଶର୍ମା ଏବେ ତାଙ୍କ ଡେବ୍ୟୁ ଫିଲ୍ମ ଲଭରାତ୍ରୀର ପ୍ରମୋଶନରେ ବ୍ୟସ୍ତ ଅଛନ୍ତି । କିନ୍ତୁ ପ୍ରମୋଶନ ସମୟରେ ଆୟୁଷ ଟ୍ରାଫିକ ନିୟମ ଭାଙ୍ଗି ପୋଲିସ ମାମଲାରେ ଫସିଗଲେ ।
ବାସ୍ତବରେ ଆୟୁଷ ବଡ଼ୋଦରା ଫିଲ୍ମର ପ୍ରମୋଶନ ପାଇଁ ଯାଇଥିଲେ । ସେଠାରେ ଆୟୁଷ ଏୟାରପୋର୍ଟରୁ ଇଭେଂଟ ଭେନ୍ୟୁ ପର୍ଯ୍ୟନ୍ତ ସ୍କୁଟିରେ ଯାଉଥିଲେ ଏବଂ ହେଲମେଟ ପିନ୍ଧିନଥିଲେ । ଏହି କାରଣରୁ ଟ୍ରାଫିକ ପୋଲିସ ଆୟୁଷଙ୍କ ନାମରେ ୧୦୦ ଟଙ୍କାର ଚାଲାଣ କାଟିଲେ । ଚାଲାଣ ରସିଦ ସୋସିଆଲ ମିଡିଆରେ ଭାଇରାଲ ହେଉଛି ।