ଡ୍ରିମଗର୍ଲର ପ୍ରମୋ ଭିଡ଼ିଓ ଶେୟାର କଲେ ଆୟୁଷ୍ମାନ ଖୁରାନା, ଦେଖନ୍ତୁ ପୂଜାଙ୍କ ତୃତୀୟ ପ୍ରେମିକାଙ୍କ ପ୍ରେମ କାହାଣୀ
ବଲିଉଡ ଆକ୍ଟର ଆୟୁଷ୍ମାନ ଖୁରାନା ଏବେ ତାଙ୍କ ପତ୍ନୀ ତାହିରା କଶ୍ୟପଙ୍କ ସହିତ ଅଷ୍ଟ୍ରିୟାରେ ଛୁଟି ବିତାଉଛନ୍ତି । ଛୁଟି ମଧ୍ୟରୁ ସମୟ ବାହାର କରି ସେ ତାଙ୍କର ଅଗାମୀ ଫିଲ୍ମ ଡ୍ରିମଗର୍ଲ’ର ଭିଡ଼ିଓ ଏବଂ ଫଟୋ ଆଦି ଶେୟାର କରୁଛନ୍ତି, ଯାହା ବାରମ୍ବାର ଦର୍ଶକଙ୍କ ହୃଦୟରେ ପୂଜା ଚରିତ୍ରକୁ ଜୀବିତ କରୁଛି । ଏକ ପ୍ରମୋ ଭିଡ଼ିଓରେ ନିଧି ବିଷ୍ଟଙ୍କୁ ପୂଜାଙ୍କ ତୃତୀୟ ପ୍ରେମିକା ଭାବରେ ଦେଖିବାକୁ ମିଳିଛି, ଯାହାର ଭିଡ଼ିଓ ନିଜେ ଆୟୁଷ୍ମାନ ତାଙ୍କ ସୋସିଆଲ ମିଡିଆ ଆକାଉଂଟରେ ଶେୟାର କରିଛନ୍ତି । ଭିଡ଼ିଓ ଶେୟାର କରି ଆୟୁଷ୍ମାନ ଖୁରାନା କ୍ୟାପ୍ସନରେ ଲେଖିଛନ୍ତି, ପୂଜାର ତୃତୀୟ ପ୍ରେମିକାଙ୍କୁ ସାକ୍ଷାତ କରନ୍ତୁ ।
ଭିଡ଼ିଓରେ ନିଧି ବିଷ୍ଟ ଏବଂ ପୂଜାଙ୍କ ମଧ୍ୟରେ ଫୋନରେ ହେଉଥିବା କଥାବାର୍ତ୍ତା ନଜର ଆସିଛି । ତେବେ ଏହା ମଧ୍ୟରେ ନିଧିଙ୍କର ଆଉ ଏକ ଯୁବକ ସହିତ ପୂଜାକୁ ନେଇ ଯୁକ୍ତି ହେଉଥିବା ମଧ୍ୟ ଦେଖିବାକୁ ମିଳିଛି । ସଂପୂର୍ଣ୍ଣ ଭାବରେ କହିପାରିବା ପୂରା କମେଡ଼ିର ଏକ ପ୍ୟାକେଜ ହେଉଛି ଆୟୁଷ୍ମାନଙ୍କ ଡ୍ରିମଗଲ । କିନ୍ତୁ ଏହା ଦର୍ଶକଙ୍କୁ କେତେ ପସନ୍ଦ ଆସିବ ତାହା ଫିଲ୍ମ ଦେଖିଲେ ଜଣାପଡ଼ିବ ।