ଭୁଲି ଯାଇଥିବା ବେଲପଣାକୁ ପୁଣିଥରେ ନିତିଦିନଆ ଡାଇଟରେ ସାମିଲ କରନ୍ତୁ, ମିଳିଥାଏ ଆବଶ୍ୟକତା ଠାରୁ ଅଧିକ ଫାଇଦା

ଯଦି ଆପଣ ବେଲ ପଣାରେ କିଛି ମାତ୍ରାର ଉଷୁମ ପାଣି ମିଶାଇ ପିଇବେ ତେବେ ଏହାଦ୍ୱାରା ରକ୍ତ ସଫା ରହିବ । ସେଥିପାଇଁ ବେଲପଣା ରେ ସାମାନ୍ୟ ମହୁ ମିଶାଇ ନିୟମିତ ପିଇବା ଉଚିତ୍ ।

ଯଦି ଆପଣ ବେଲ ପତ୍ରକୁ ବ୍ୟବହାର କରିବେ ତେବେ ଏହା ଉଚ୍ଚ ରକ୍ତଚାପକୁ କମ କରିବାରେ ସହାୟକ ହେବ । ସେଥିପାଇଁ ବେଲପତ୍ରକୁ ପାଣିରେ ଫୁଟାଇ ଦିଅନ୍ତୁ ଏବଂ ସେହି ପାଣିକୁ ପିଅନ୍ତୁ । ଏଭଳି କରିବା ଦ୍ୱାରା ରକ୍ତଚାପ ନିୟନ୍ତ୍ରଣରେ ରହିବ । ଆସ୍ଥମା ରୋଗ ପାଇଁ ମଧ୍ୟ ବେଲଗଛ ଚେରକୁ କାଢା କରି ପିଇବା ଦ୍ୱାରା ଏଥିରୁ ଆରାମ ମିଳିଥାଏ ।

ଯଦି ଆପଣଙ୍କ ପେଟ ରୋଗ ଅଛି ତେବେ ଆପଣ ବେଲ ସେବନ କରନ୍ତୁ । ଏହାଦ୍ୱାରା ପେଟ ରୋଗରୁ ମୁକ୍ତି ମିଳିବ । ଏହାସହିତ କୋଷ୍ଟକାଠିନ୍ୟ , ଅପଚ,ଅଲ୍ସର ଆଦି ପାଇଁ ନିହାତି ଭାବେ ବେଲ ସେବନ କରନ୍ତୁ । ଏହାବ୍ୟତିତ ପ୍ରଚଣ୍ଡ ଗ୍ରୀଷ୍ମ ତାପର ଲୁ’ ରୁ ରକ୍ଷା ପାଇବା ପାଇଁ ବେଲ ପଣା ପିଅନ୍ତୁ ।