ଲେମ୍ବୁ ପାଣିରେ ମିଶାନ୍ତୁ ଗୁଡ, ମିଳିବ ଅନେକ ଚମତ୍କାରୀ ଫାଇଦା
ଲେମ୍ବୁ ପାଣି ପିଇବା ପ୍ରାୟ ସମସ୍ତଙ୍କୁ ପସନ୍ଦ । ଲେମ୍ବୁ ପାଣିର ପ୍ରଚୁର ପରିମାଣରେ ଭିଟାମିନ-ସି ମିଳିଥାଏ । ତେଣୁ ଏହା ଶରୀର ପାଇଁ ମଧ୍ୟ ବେଶ ଉପଯୋଗୀ । ସାଧାରଣତଃ ଆମେ ଲେମ୍ବୁ ପାଣିରେ ଚିନି ମିଶାଇ ଏହାକୁ ପ୍ରସ୍ତୁତ କରିଥାଉ କିନ୍ତୁ ଲେମ୍ବୁ ପାଣି ସହିତ ଗୁଡ ଖାଇବାର ଗୋଟିଏ ନୁହେଁ ବରଂ ଅନେକ ଲାଭ ମିଳିଥାଏ । ଲେମ୍ବୁ ସହିତ ଗୁଡ ଖାଇବା ଦ୍ୱାରା ଏହି ଶୀଘ୍ର ଓଜନ ହ୍ରାସ କରାଇଥାଏ । ଆସନ୍ତୁ ଜାଣିବା ପ୍ରତ୍ୟେକ ଦିନ ସକାଳୁ ଏହାକୁ ଖାଲି ପେଟରେ ପିଇବା ଦ୍ୱାରା କ’ଣ ଫାଇଦା ମିଳିଥାଏ ।
– ଏହାକୁ ପିଇବା ଦ୍ୱାରା ଶରାରରେ ପାଣିର ମାତ୍ରା କମ ହୋଇନଥାଏ ।
– ଲେମ୍ବୁରେ ଥିବା ଭିଟାମିନ -ସି ହୃଦୟ ପାଇଁ ବେଶ ଉପକାରୀ କୁହାଯାଇଥାଏ । ଏହା ହୃଦୟକୁ ସୁସ୍ଥ କରିବା ସହିତ ଇମ୍ୟୁନ ସିଷ୍ଟମକୁ ମଜବୁତ କରିଥାଏ ।
– ତ୍ୱଚାର ଚମକ ବଢାଇବା ପାଇଁ ମଧ୍ୟ ଲେମ୍ବୁ ପାଣି ଏବଂ ଗୁଡର ମିଶ୍ରଣ ସାହାଯ୍ୟ କରିଥାଏ ।
– ଏହା ମେଟାବେଲିଜିମ ବଢାଇଥାଏ । ଏହା ଦ୍ୱାରା ଓଜନ ମଧ୍ୟ ହ୍ରାସ ହୋଇଥାଏ ।
– ଏହା ମୁହଁରେ ବ୍ୟାକଟେରିଆକୁ ଜନ୍ମ ହେବାକୁ ଦେଇନଥାଏ । ଏବଂ ଏହା ଦ୍ୱାରା ମୁହଁର ଦୁର୍ଗନ୍ଧ ମଧ୍ୟ ଦୂର ହୋଇଥାଏ ।
– ଗୁଡ ପଡିଥିବା କରଣରୁ ଏହି ଲେମ୍ବୁ ପାଣିକୁ ମଧୁମେହ ରୋଗୀ ମଧ୍ୟ ପିଇପାରିବେ ।
ଏହାକୁ ପ୍ରସ୍ତୁତ କରିବା ପାଇଁ ଏକ ଗ୍ଲାସ ଉଷୁମ ପାଣିରେ ଲେମ୍ବୁ ଚିପୁଡି ଏଥିରେ ଏକ ବଡ ଚାମଚ ଗୁଡ ମିଶାଇ ଦିଅନ୍ତୁ । ପ୍ରସ୍ତୁତ ହୋଇଗଲା ଆପଣଙ୍କ ଗୁଡ ମିଶ୍ରିତ ଲେମ୍ବୁ ପାଣି ।