ବିଗ ବସ ଏକା ହୋଷ୍ଟ କରିବେ ନାହିଁ ସଲମାନ,ସାଥ ଦେବେ ଏକ୍ସ ଗର୍ଲଫ୍ରେଣ୍ଡ ।
ଟିଭିର ପପୁଲାର ଶୋ ବିଗବସ ୧୨ର ଅଡ଼ିସନ ଆରମ୍ଭ ହୋଇସାରିଛି । ବିଗବସ ହୋଷ୍ଟ ଭାବରେ କେବଳ ଜଣଙ୍କ ନାମ ଆସେ ଏବଂ ସେ ହେଉଛନ୍ତି ସଲମାନ । କାରଣ ସଲମାନ କେବଳ ଏହି ଶୋ’କୁ ମଜାଦାର କରିପାରିବେ । କିନ୍ତୁ ଆଜତକର ରିପୋର୍ଟ ଅନୁସାରେ ଏଥର ସଲମାନ ଏକା ଶୋ’କୁ ହୋଷ୍ଟ କରିବେ ନାହିଁ । ତାଙ୍କ ସହିତ ଜଣେ ଅଭିନେତ୍ରୀ ମଧ୍ୟ ନଜର ଆସିପାରନ୍ତି ।
ଖବର ଅନୁସାରେ ଏଥର ବିଗ ବସ ୧୨ର ଥିମ ଯୋଡ଼ି ମାନଙ୍କୁ ନେଇ କରାଯାଇଛି । ତେଣୁ ଏଥର ଘରେ ଯୋଡ଼ି ମାନଙ୍କର ପ୍ରବେଶ ହେବ ଏବଂ ଟିମ ଯୋଡ଼ି ଖୋଜିବା ଆରମ୍ଭ କରି ସାରିଛନ୍ତି ।
ଏହି ଶୋ’ରେ ସଲମାନଙ୍କ ଯୋଡ଼ି ଭାବେ କ୍ୟାଟ୍ରିନା ନଜର ଆସିବେ ବୋଲି ଶୁଣିବାକୁ ମିଳୁଛି । ସେ ମଧ୍ୟ ବିଗବସର ହୋଷ୍ଟ କରିପାରନ୍ତି । କ୍ୟାଟଙ୍କର ଏବେ ସଲମାନଙ୍କ ସହିତ ଭଲ ସଂପର୍କ ମଧ୍ୟ ରହିଛି ।
ଗତବର୍ଷ କ୍ୟାଟ୍ରିନା ବିଗବସର ଏକ ୱିକେଣ୍ଡ କା ବାରରେ ସଲମାନଙ୍କ ସହିତ ନଜର ଆସିଥିଲେ । ତେବେ ସେ ତାଙ୍କ ଫିଲ୍ମ ଟାଇଗର ଜିନ୍ଦା ହୈର ପ୍ରମୋଶନ ପାଇଁ ଆସିଥିବା ଦେଖିବାକୁ ମିଳିଥିଲା ।