ପ୍ରସ୍ତୁତ କରନ୍ତୁ ଲାଉ ଦହି କୁରମା ।
ଆବଶ୍ୟକ ସାମଗ୍ରୀ:
୫୦୦ ଗ୍ରାମ ଲାଉ, ୫୦ ଗ୍ରାମ ବେସନ, ୨ଟି କଟା ପିଆଜ, ଫାଳେ କୋରା ନଡ଼ିଆ, ୬/୭ କୋଲା ରସୁଣ, ୧ ଚାମଚ ଗୋଟା ଜିରା, ୩/୪ଟି କଞ୍ଚା ଲଙ୍କା, ୧ କପ୍ ଦହି, ଗୋଟିଏ ଟମାଟୋ, ଅଳ୍ପ କଟା ଧଣିଆ ପତ୍ର, ୧ ଚାମଚ ଡାଲଚିନି ଗୁଣ୍ଡ, ଡାଲଚିନି ଗୁଣ୍ଡ, ତେଲ ଓ ସ୍ୱାଦ ଅନୁଯାୟୀ ଲୁଣ।
ପ୍ରସ୍ତୁତି ପ୍ରଣାଳୀ:
ଲାଉର ଚୋପା ଛଡ଼ାଇ କୋରି ଦିଅନ୍ତୁ। ବେସନରେ କୋରା ଲାଉ, ଲୁଣ ଓ ଅଧା କଟା ପିଆଜ ପକାଇ ଭଲ ଭାବେ ମିଶାଇ ଦିଅନ୍ତୁ। ଏହି ମିଶ୍ରଣକୁ ନେଇତେଲ କଡେଇରେ ଛୋଟଛୋଟ ଗୁଳା ପ୍ରସ୍ତୁତ କରନ୍ତୁ । ଏବେ କୋରା ନଡିଆ, ଜିରା, ରସୁଣ ଓ କଞ୍ଚାଲଙ୍କା ଏକାଠି ମିଶାଇ ପେଷି ଦିଅନ୍ତୁ। ଏକ ପ୍ୟାନରେ ତେଲ ଗରମ କରି ବାକି ଥିବା ପିଆଜକୁ ଭାଜି ପରେ ଟମାଟୋ ପକାଇ ଅଳ୍ପ ସମୟ ଭଜିବା ପରେ ପେଷା ହୋଇଥିବା ମସଲା ମଧ୍ୟ ପକାନ୍ତୁ। ଏବେ ଏଥିରେ ଦହି, ଲୁଣ, ପାଣି ଓ ଛଣା ହୋଇଥିବା ଗୁଳାକୁ ଏକାଠି ପକାନ୍ତୁ। ଏବେ ଆପଣଙ୍କ ଲାଉ ଦହି କୋରମା ପ୍ରସ୍ତୁତ। ଏହା ଉପରେ କଟା ଧନିଆ ପତ୍ର, ଡାଲଚିନି ଗୁଣ୍ଡ, ଗୁଜୁରାତି ଗୁଣ୍ଡ ଓ ଗୁଣ୍ଡସେଓ ପକାଇ ସଜାଇ ଦିଅନ୍ତୁ।