Only for Entertainment

ସାମ୍ନାକୁ ଆସିଲା ଜନ୍ ଆବ୍ରାହମଙ୍କ ଆଗାମୀ ଫିଲ୍ମ ‘ବାଟଲା ହାଉସ୍’ର ପ୍ରଥମ ଟିଜର, ଏହି ଦିନ ରିଲିଜ ହେବ ଫିଲ୍ମ

YouTube
19

ବଲିଉଡ୍ ଆକ୍ସନ୍ ହିରୋ ଜନ୍ ଆବ୍ରାହମଙ୍କ ଆଗାମୀ ଫିଲ୍ମ ‘ବାଟଲା ହାଉସ୍’ର ପ୍ରଥମ ଟିଜର୍ ମୁକ୍ତିଲାଭ କରିଛି । ୨୬ ସେକେଣ୍ଡର ଏହି ଟିଜର୍ ଟି ସିନେମାକୁ ନେଇ ଦର୍ଶକଙ୍କ ଉକ୍ରଣ୍ଠା ଆହୁରି ବଢାଇ ଦେଇଛି । ଏହି ଟିଜରରେ ଗନ୍ ସଟ୍, ଫାୟାର୍ ଆଉ ଜନ୍ ଆବ୍ରାହମଙ୍କ ଭଏସ୍ ଶୁଣିବାକୁ ମିଳିଛି । ଏହା ସହ ପୁରା ଟ୍ରେଲର୍ ୧୦ ଜୁଲାଇରେ ରିଲିଜ୍ ହେବ ବୋଲି ଏଥିରେ ସୂଚନା ଦିଆ ଯାଇଛି । ୨୦୦୮ ମସିହାର ବାଟଲା ହାଉସ୍ ଏନକାଉଁଟର୍ ଘଟଣାକୁ ନେଇ ସିନେମାର କାହାଣୀ ଗତିଶୀଳ ହୋଇଛି ।

ଟିଜର ସହିତ ଫିଲ୍ମର ଏକ ନୂଆ ପୋଷ୍ଟର ମଧ୍ୟ ଆଜି ରିଲିଜ ହୋଇଛି । ଏହି ପୋଷ୍ଟର ସହିତ ନିର୍ମାତା ଫିଲ୍ମର ରିଲିଜ ଡେଟ ବିଷୟରେ ମଧ୍ୟ ଖୁଲାସା କରିଛନ୍ତି । ଜଣାଶୁଣା ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ୱିଟ କରି କହିଛନ୍ତି ଯେ, ଫିଲ୍ମ ୧୫ ଅଗଷ୍ଟରେ ରିଲିଜ ହେବ । ଫିଲ୍ମକୁ ନିଖିଲ ଆଡଭାଣୀ ନିର୍ଦ୍ଦେଶନା ଦେଉଛନ୍ତି ।

ଫିଲ୍ମ ବାଟଲା ହାଉସର ରିଲିଡ ଡେଟ ସହିତ ଏହା ମଧ୍ୟ ସ୍ପଷ୍ଟ ହୋଇଯାଇଛି ଯେ, ଫିଲ୍ମ ଅକ୍ଷୟ କୁମାରଙ୍କ ଫିଲ୍ମ ମିଶନ ମଙ୍ଗଳ ଏବଂ ପ୍ରଭାସଙ୍କ ଫିଲ୍ମ ‘ସାହୋ’କୁ ବକ୍ସ ଅଫିସରେ ଟକ୍କର ଦେବ । କାରଣ ଏହି ଦୁଇଟି ଫିଲ୍ମ ମଧ୍ୟ ୧୫ ଅଗଷ୍ଟରେ ରିଲିଜ ହେବ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More