ଖୁବ କମ ସମୟରେ ପ୍ରସ୍ତୁତ କରନ୍ତୁ ଚିକେନ ପୋଟଲୀ ।
ଚିକେନ ତରକାରୀ ଠାରୁ ଆରମ୍ଭ କରି ଚିକେନ ବିରିୟାନୀ ପର୍ଯ୍ୟନ୍ତ ଭିନ୍ନ ଭିନ୍ନ ରେସିପି ପ୍ରସ୍ତୁତ କରି ଆପଣ ଖାଇଥିବେ, କିନ୍ତୁ ଆଜି ଆମେ ଆପଣଙ୍କୁ ଚିକେନର ଏଭଳି ଏକ ରେସିପି ବିଷୟରେ ଜଣାଇବୁ ଯାହାକୁ ହୁଏତ ଆପଣ ଜାଣିନଥିବେ । ତେବେ ଏହି ନିଆରା ରେସିପିର ନାମ ହେଉଛି ଚିକେନ ପୋଟଲୀ । ଆସନ୍ତୁ ଜାଣିବା ଏହାର ପ୍ରସ୍ତୁତି ପ୍ରଣାଳୀ ବିଷୟରେ
ପ୍ରଥମେ ଏକ କଡ଼ାଇରେ ୩୦ ଗ୍ରାମ ଘିଅ କରି ଗରମ କରନ୍ତୁ ଏବଂ କଟା ପିଆଜ ପକାଇ ଭାଜନ୍ତୁ । ଏହାପରେ ସିମଲା ଲଙ୍କା ପକାଇ ଭଲ ଭାବରେ ମିଶାନ୍ତୁ । ମଧ୍ୟମ ଆଂଚରେ ଏହାକୁ ୫ରୁ ୭ ମିନିଟ ବସାନ୍ତୁ । ଏଥିରେ କଂଚା ଲଙ୍କା, ଲୁଣ, ଧନିଆ ଗୁଣ୍ଡ, ଜିରା ଗୁଣ୍ଡ, ଗରମ ମସଲା, ଲଙ୍କା ଗୁଣ୍ଡ ଏବଂ ଚିଲ୍ଲି ଫ୍ଲେକ୍ସ ପକାନ୍ତୁ । ଏବେ କଟା ପିଆଜ ଶଣ୍ଢା ପକାଇ ଭାଜନ୍ତୁ ଏବଂ ପରେ କିମା ଚିକେନ ପକାନ୍ତୁ ଏବଂ ଏହାକୁ ୧୫ ମିନିଟ ପାଇଁ ଘୋଡ଼ାଇ ଦିଅନ୍ତୁ । ଘୋଡ଼ଣୀ ବାହାର କରି ୩ରୁ ୫ ମିନିଟ ପାଇଁ କୁକ କରନ୍ତୁ । ଏବେ ଏହାକୁ ଗ୍ୟାସରୁ ବାହାର କରି ପାଶ୍ୱର୍ରେ ରଖନ୍ତୁ ।
ଏକ ପାତ୍ରରେ ୨୫୦ ଗ୍ରାମ ମଇଦା, ଜୁଆଣୀ, ଲୁଣ ପକାଇ ଭଲ ଭାବରେ ଚକଟନ୍ତୁ ଏବଂ ୨୦ ମିନିଟ ପାଇଁ ରଖିଦିଅନ୍ତୁ । ଏବେ ଏହାକୁ ଛୋଟ ଛୋଟ ଗୋଲ କରି ବେଲନ୍ତୁ ଏବଂ ରଖିଥିବା ମିଶ୍ରଣକୁ ଦେଇ ବନ୍ଦ କରି ଦିଅନ୍ତୁ ଏବଂ ତେଲରେ ଛାଣନ୍ତୁ । ଏହାକୁ ଟମାଟୋ କ୍ୟାଚଅପ ଏବଂ ଗ୍ରୀନ ଚଟଣୀ ସହିତ ସର୍ଭ କରନ୍ତୁ । ଖାଇବା ପାଇଁ ଏହା ଖୁବ ସ୍ୱାଦିଷ୍ଟ ।