ଲଭ ଷ୍ଟୋରୀ ଉପରେ ମୋହର ଲଗାଇଲେ କୃତି ଖରବନ୍ଦା, ଏହି ଅଭିନେତାଙ୍କୁ କରୁଛନ୍ତି ଡେଟ୍
ଅଭିନେତା କୃତି ଖରବନ୍ଦା ଏବଂ ଅଭିନେତା ପୁଲକିତ ସମ୍ରାଟଙ୍କ ମଧ୍ୟରେ ଥିବା ସମ୍ପର୍କକୁ ନେଇ କିଛି ଦିନରୁ ଗୁଜବ ଚର୍ଚ୍ଚାରେ ରହିଛି । ଏବେ ଅଭିନେତ୍ରୀ କୃତି ଖରବନ୍ଦା ଏହି ଗୁଜବ ଉପରେ ମୋହର ଲଗାଇଛନ୍ତି । କୃତି କହିଛନ୍ତି, ‘ ନା ଏହା ଗୁଜବ ନୁହେଁ ଆମେ ପରସ୍ପରକୁ ଡେଟ୍ କରୁଛୁ । ସତ କହିବାକୁ ଗଲେ ମୁଁ ଚାହୁଁଥିଲି ମୋ ପିତା ମାତା ପ୍ରଥମେ ଜଣନ୍ତୁ ମୁଁ କାହାକୁ ଡେଟ କରୁଛି । କିନ୍ତୁ ମୋତେ ଲାଗୁଛି ପ୍ରତ୍ୟେକ ଜିନିଷର ଗୋଟିଏ ନିଦ୍ଧିଷ୍ଟ ସମୟ ଥାଏ ଯାହା ପରିସ୍ଥିତିକୁ ଖୁବ ସହଜ କରିଦିଏ ।’
ଇ-ଟାଇମ୍ସ ସାକ୍ଷାତକାର ଦେଇ କୃତି ଆଗକୁ କହିଛନ୍ତି, ‘କେବେ ରିଲେସନସିପରେ ପାଂଚ ବର୍ଷ ଲାଗିଥାଏ ତ କେବେ ପାଂଚ ମାସ । ଆମକୁ ପାଂଚ ମାସ ସମୟ ଲାଗିଥିଲା । କିନ୍ତୁ ମୁଁ ଖୁସି ଅଛି ଏବଂ ମୋତେ ସଙ୍କୋଚ ନାହିଁ ଯେ ପୁଲକିତ ସମ୍ରାଟଙ୍କୁ ଡେଟ କରୁଛି ।’
ନିଜର ଆଗାମୀ ଫିଲ୍ମ ‘ପାଗଳପନ୍ତି’ର ରିଲିଜ ପୂର୍ବରୁ ହିଁ କୃତି ଏହା ସ୍ୱିକାର କରୁଛନ୍ତି । ଫିଲ୍ମରେ କୃତି ଏବଂ ପୁଲକିତ ସମ୍ରାଟ କପଲ ଭାବେ ନଜର ଆସିବେ । ଫିଲ୍ମରେ ଦୁହିଁଙ୍କ ବ୍ୟତିତ ଜନ ଆବ୍ରାହମ, ଇଲିଆନା ଡିକ୍ରୁଜ, ଅର୍ଶଦ ବାର୍ସୀ, ଉର୍ବଶୀ ରୌତେଲା ଏବଂ ଅନୀଲ କପୁର ଆଦି ନଜର ଆସିବେ । ଫିଲ୍ମ ୨୨ ନଭେମ୍ବରରେ ରିଲିଜ ହେବ ।