ଦବଙ୍ଗ ଥ୍ରି ସେଟରେ ପହଂଚିଲେ ସଲମାନଙ୍କ କୁନି ଫ୍ୟାନ୍ସ, ଦେଖାଇଦେଲେ ଦବଙ୍ଗ ଅନ୍ଦାଜ
ସଲମାନ ଖାନ ଏବେ ଫିଲ୍ମ ଦବଙ୍ଗ ଥ୍ରି’ର ସୁଟିଂ ଜୟପୁରରେ ସୋନାକ୍ଷୀ ସିହ୍ନାଙ୍କ ସହିତ କରୁଛନ୍ତି । ଏଠାରେ ରକ୍ଷାବନ୍ଧନ ଉପଲକ୍ଷେ ସଲମାନ ତାଙ୍କ ଅନସ୍କ୍ରିନ ମା’ଙ୍କ ହାତରୁ ରାକ୍ଷୀ ପିନ୍ଧିଥିଲେ । ତେବେ ରାକ୍ଷୀ ପିନ୍ଧିବା ପରେ ସଲମାନ ଫିଲ୍ମର ସୁଟିଂ ଆରମ୍ଭ କଲେ । ସଲମାନ ଯେବେଠାରୁ ଜୟପୁରରେ ଫିଲ୍ମର ସୁଟିଂ ଆରମ୍ଭ କଲେ ସେହି ଦିନ ଠାରୁ ତାଙ୍କର ଫଟୋ ଏବଂ ଭିଡ଼ିଓ ଭାଇରାଲ ହେଉଛି ।
କେବେ ସଲମାନ ନାମକ ଓଟ ସହିତ ଫଟୋ ଉଠାଉଛନ୍ତି ତ କେତେବେଳେ ଅନ୍ୟ କେଉଁ ଫ୍ୟାନ୍ସଙ୍କ ସହିତ । ଏବେ ତାଙ୍କର ଏକ ଲାଟେଷ୍ଟ ଫଟୋ ଭାଇରାଲ ହେଉଛି । ଯେଉଁଥିରେ ସେ ତାଙ୍କ କୁନି ଫ୍ୟାନ୍ସଙ୍କ ସହିତ ନଜର ଆସିଛନ୍ତି । ସଲମାନ ଚୁଲବୁଲେ ପାଣ୍ଡେ ଗେଟଅପରେ ନଜର ଆସିଛନ୍ତି । କହିରଖୁଛୁ ଫିଲ୍ମର ନିର୍ଦ୍ଦେଶକ ହେଉଛନ୍ତି ପ୍ରଭୁ ଦେବା ।