ମୁକ୍ତିଲାଭ କଲା ଆଗାମୀ ବଲିଉଡ୍ ମୁଭି ‘ହମେ ତୁମସେ ପ୍ୟାର୍ କିତନା’ର ପ୍ରଥମ ମୁକ୍ତିଲାଭ କଲା ଆଗାମୀ ବଲିଉଡ୍ ମୁଭି ‘ହମେ ତୁମସେ ପ୍ୟାର୍ କିତନା’ର ପ୍ରଥମ ଟ୍ରେଲର୍ । ଏହି ସିନେମା ଜରିଆରେ ବଲିଉଡ୍ ଏଂଟ୍ରି କରିବାକୁ ଯାଉଛନ୍ତି ଛୋଟ ପରଦାର ପପୁଲାର୍ ଷ୍ଟାର୍ କରଣ ବୀର ବୋହରା । ତେବେ ତାଙ୍କ ପ୍ରଥମ ସିନେମାରେ ଜଣେ ୱାନ୍ ସାଇଡେଡ୍ ସାଇକୋ ଲଭର୍ ଭୂମିକାରେ ନଜର ଆସିବେ କରଣ । ସିନେମାରେ ତାଙ୍କୁ ଧ୍ରୁବ୍ ଚରିତ୍ରରେ ଦେଖିବାକୁ ମିଳିବ । ଆଉ ସେ ଅନନ୍ୟା ନାମକ ଜଣେ ଫେମସ୍ ଲେଖିକାଙ୍କ ପ୍ରେମରେ ପଡିଯାଏ । ମାତ୍ର ଅନନ୍ୟା ଆଉ ଜଣଙ୍କୁ ପ୍ରେମ କରେ । ଯାହା ଫଳରେ ଧ୍ରୁବଙ୍କ ଏକ ତରଫା ପ୍ରେମ ତାଙ୍କୁ ଭୁଲ୍ କାମ କରିବାକୁ ବାଧ୍ୟ କରେ ।
ସିନେମାରେ ଅନନ୍ୟା ଚରିତ୍ରରେ ପ୍ରିୟା ବାନାର୍ଜୀ ଏବଂ ଅନ୍ୟ ଏକ ନାୟକ ଭୂମିକାରେ ସମୀର୍ କୋଚର୍ଙ୍କୁ ଦେଖିବାକୁ ମିଳିବ । ମହେନ୍ଦ୍ର୍ ବୋହରା ଓ ବେଲଭି ପ୍ରଡକ୍ସନ୍ ଦ୍ୱାରା ପ୍ରସ୍ତୁତ ହୋଇଥିବା ଏହି ସିନେମାର ନିର୍ଦ୍ଦେଶନା ଦେଇଛନ୍ତି ଲଲିତ୍ ମୋହନ । ମୁକ୍ତିଲାଭ କରିଥିବା ୨ ମିନିଟର ଏହି ଟ୍ରେଲରରେ ଦେଖିବାକୁ ମିଳିଛି ପାଗଳାମି, ଭଲପାଇବା ଆଉ ପ୍ରତାରଣା । ଏହାଛଡା ଆକର୍ଷଣୀୟ ଗୀତକୁ ମଧ୍ୟ ଏହି ସିନେମାରେ ସ୍ଥାନ ଦେଇଛନ୍ତି ମେକର୍ । ୨୮ ଜୁନରେ ପରଦାକୁ ଆସିବ ଚଳଚ୍ଚିତ୍ର ହମେ ତୁମସେ ପ୍ୟାର୍ କିତନା ।
