୬୫ ବର୍ଷୀୟା ହଲିଉଡ୍ ଅଭିନେତ୍ରୀ ଡେମି ମୁର ‘ଗୁଡ୍ ମର୍ଣ୍ଣିଂ ଆମେରିକା’ ନାମକ ଏକ ଶୋ’ରେ ନିଜ ସହିତ ଘଟିଥିବା ହୃଦୟଥରା ଘଟଣା ସମ୍ପର୍କରେ ପର୍ଦ୍ଦାଫାସ କରିଛନ୍ତି। ନିଜ ପୁସ୍ତକ ‘ଇନ୍ସାଇଡ୍ ଆଉଟ୍’ର ପ୍ରମୋସନ ପାଇଁ ଡେମି ଏହି ଟିଭି ଶୋ’ରେ ପହଞ୍ଚିଥିଲେ। ଡେମି କହିଛନ୍ତି ଯେ ତାଙ୍କ ମଦ୍ୟପ ମା’ ମାତ୍ର ୫୦୦ ଆମେରିକାନ ଡଲାର୍ସ (ପାଖାପାଖି ୩୫,୦୦୦ଟଙ୍କା)ପାଇଁ ଡେମିଙ୍କୁ ଜଣେ ବ୍ୟକ୍ତିଙ୍କ ନିକଟରେ ଦୁଷ୍କର୍ମ କରିବାକୁ ଛାଡ଼ି ଦେଇଥିଲେ। ସବୁଠାରୁ ବଡ଼ କଥା ଥିଲା ଏହି ସମୟରେ ଡେମିଙ୍କୁ ମାତ୍ର ୧୫ ବର୍ଷ ହୋଇଥିଲା। ଡେମି ଆହୁରି ମଧ୍ୟ କହିଛନ୍ତି ଯେ ସେ ଭାବୁଛନ୍ତି ଯଦି ତାଙ୍କ ମା’ ହୋଶ୍ରେ ଥାଆନ୍ତେ, ହୁଏତ ଉକ୍ତ ବ୍ୟକ୍ତିଙ୍କୁ ତାଙ୍କ ସହିତ ଦୁଷ୍କର୍ମ କରିବାକୁ ଦେଇ ନ ଥାନ୍ତେ।
ଡେମିଙ୍କ ଏହି ପର୍ଦ୍ଦାଫାସ୍ ପରେ ସେ ଏବେ ଚର୍ଚ୍ଚାରେ ରହିଛନ୍ତି । ଟ୍ବିଟରରେ ଲୋକେ ତାଙ୍କୁ ବିଭିନ୍ନ ପ୍ରକାରର ପ୍ରଶ୍ନ କରିବାରେ ଲାଗିଛନ୍ତି ଓ ନିଜ ମତାମତ ଦେବାରେ ଲାଗିଛନ୍ତି। ଏହାପୂର୍ବରୁ ଅନ୍ୟ ଏକ ସାକ୍ଷାତକାରରେ ଏଷ୍ଟନ କୁଚରଙ୍କ ସହିତ ତାଙ୍କ ସମ୍ପର୍କ ଖରାପ ହେବା ସମ୍ପର୍କରେ କହିଥିଲେ। ଡେମି କହିଛନ୍ତି ଯେ ସେ ତାଙ୍କ ପୂର୍ବତନ ପତି ଏଷ୍ଟନଙ୍କୁ ବାଥ୍ଟବ୍ରେ ଦୁଇ ଜଣ ମହିଳାଙ୍କ ସହ ଥିବା ସେ ଦେଖିଥିଲେ। ଏଥିରୁ ଏଷ୍ଟନ ତାଙ୍କୁ ଧୋକା ଦେଉଥିବା ସେ ଜାଣିପାରିଥିଲେ।
.@GMA EXCLUSIVE: “I made up about that that I wasn’t wanted … I didn’t deserve to be here.” @justdemi speaks to @DianeSawyer about dealing with her parents’ alcoholism and learning the man she knew as her father was not her biological dad. https://t.co/XfiCga6CV7 pic.twitter.com/dsqRJUs5u9
— Good Morning America (@GMA) September 23, 2019
ବିଶେଷସୂତ୍ରରୁ ପ୍ରକାଶ ଯେ ଏଷ୍ଟନଙ୍କୁ ଡେମି ୨୦୦୫ରେ ବିବାହ କରିଥିଲେ। ୨୦୧୩ରେ ଏଷ୍ଟନଙ୍କ ସହ ତାଙ୍କ ବିବାହ ବିଚ୍ଛେଦ ହୋଇଯାଇଥିଲା। ଡେମି ମୋଟ୍ ୩ ଥର ବିବାହ କରିଛନ୍ତି। ତାଙ୍କର ପ୍ରଥମ ବିବାହ ଫ୍ରେଡି ମୁରଙ୍କ ସହ ୧୯୮୦ ମସିହାରେ ହୋଇଥିଲାବେଳେ ୫ ବର୍ଷ ପରେ ଏହି ବିବାହର ଅନ୍ତ ଘଟିଥିଲା। ଏହାପରେ ୧୯୮୭ରେ ବ୍ରୁସ୍ ୱିଲ୍ସଙ୍କ ସହିତ ଡେମି ବିବାହ କରିଥିଲେ। ୨୦୦୦ ମସିହାରେ ଉଭୟେ ପରସ୍ପରଠାରୁ ଅଲଗା ହୋଇଯାଇଥିଲେ।