ଆୟୁଷ୍ମାନ ଖୁରାନା ଏବଂ ନୁସରତ ଭରୁଚାଙ୍କ ଫିଲ୍ମ ‘ଡ୍ରିମ ଗର୍ଲ’କୁ ନେଇ ଏବେ ଖୁବ ଚର୍ଚ୍ଚା । ଫିଲ୍ମରେ ଆୟୁଷ୍ମାନ ଖୁରାନାଙ୍କୁ ଏକ ଭିନ୍ନ ଅବତାରରେ ଦେଖିବାକୁ ମିଳିବ । ଆୟଷ୍ମାନଙ୍କ ପୂର୍ବ ଫିଲ୍ମ ଗୁଡିକ ପରି ଏହି ଫିଲ୍ମ ଦର୍ଶକଙ୍କ ହୃଦୟ ଜିତିବାରେ ସକ୍ଷମ ହେବ ବୋଲି ଆଶା କରାଯାଉଛି । ଇତି ମଧ୍ୟରେ ଫିଲ୍ମର ତୃତୀୟ ଗୀତକୁ ମେକର୍ସ ରିଲିଜ କରିଛନ୍ତି । ଫିଲ୍ମର ଏହି ନୂଆ ଗୀତରେ ମରାଠୀ ତଡକା ଦେଖିବାକୁ ମିଳିଛି । ମରାଠୀ ଗୀତ ‘ଢଗାଲା ଲାଗଲୀ କଲ’କୁ ରିକ୍ରିଏଟ କରାଯାଇ ଏହି ଗୀତକୁ ପ୍ରସ୍ତୁତ କରାଯାଇଛି ।
ଗୀତରେ ରିତେଶ ଦେଶମୁଖଙ୍କ ସ୍ପେଶାଲ ଆପିଅରାନ୍ସ ଦେଖିବାକୁ ମିଳିଛି । ଗୀତରେ ରିଦେଶ ଦେଶମୁଖଙ୍କ ସହିତ ଆୟୁଷ୍ମାନ ଖୁରାନା ଏବଂ ନୁସରତ ଭରୁଚାଙ୍କ ଜବରଦସ୍ତ ଡ୍ୟାନ୍ସ ଦେଖିବାକୁ ମିଳିଛି । ଗୀତରେ ମିତ ବ୍ରଦର୍ସ, ମିକା ସିଂ ଏବଂ ଜ୍ୟୋତିକା ଟାଙ୍ଗରୀଙ୍କ ଆକର୍ଷଣୀୟ ଭଏସ ଶୁଣିବାକୁ ମିଶିଛି । ଏହାର ଲିରିକ୍ସ ଲେଖିଛନ୍ତି କୁମାର ।
ଏହା ପୂର୍ବରୁ ଫିଲ୍ମର ଟ୍ରେଲର ଏବଂ ଦୁଅଟି ଗୀତ ମେକର୍ସ ରିଲିଜ କରିଥିଲେ । ଏହାକୁ ଦର୍ଶକଙ୍କ ଜବରଦସ୍ତ ରେସ୍ପନ୍ସ ମଧ୍ୟ ମିଳିଛି । ରାଜ ସାଣ୍ଡିଲ୍ୟଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମ ୧୯ ସେପ୍ଟେମ୍ବରରେ ରିଲିଜ ହେବ ।