୧୧ ବର୍ଷର ରିଲେସନସିପକୁ ଭାଙ୍ଗିଲେ ଦିଆ ମିର୍ଜା-ସାହିଲ ସଙ୍ଘା, ପରସ୍ପର ବୁଝାମଣାରେ ହେଲେ ଅଲଗା
ଫିଲ୍ମ ‘ରେହନା ହେ ତେରେ ଦିଲ ମେଁ’ରୁ ବଲିଉଡ ଡେବ୍ୟୁ କରିଥିବା ଅଭିନେତ୍ରୀ ଦିଆ ମିର୍ଜା ବଲିଉଡକୁ ବଡ ହିଟ ହେଇନଥିଲେ ବି ନିଜର ସୋସିଆଲ ୱାର୍କ ପାଇଁ ସେବୁବେଳେ ଚର୍ଚ୍ଚାରେ ରହିଥାନ୍ତି । ଇତି ମଧ୍ୟରେ ଦିଆ ନିଜ ଲାଇଫକୁ ନେଇ ଏକ ଆଶ୍ଚର୍ଯ୍ୟକର ଘୋଷଣା କରିଛନ୍ତି ।
ଦିଆ ନିଜ ଇଂଷ୍ଟାଗ୍ରାମରେ ଏକ ଷ୍ଟେଟମେଣ୍ଟ ସେୟାର କରି କହିଛନ୍ତି ଯେ, ସେ ଏବଂ ତାଙ୍କ ପତି ସାହିଲ ସଙ୍ଘା ୧୧ ବର୍ଷର ସମ୍ପର୍କକୁ ଶେଷ କରିବା ପାଇଁ ଯାଉଛନ୍ତି । ଦୁହେଁ ପରସ୍ପରର ସହମତିରେ ଏହି ନିର୍ଣ୍ଣୟ ନେଇଛନ୍ତି ।
View this post on Instagram
ଦିଆ ମିର୍ଜା ଏହି ପୋଷ୍ଟରେ ଲେଖିଛନ୍ତି, ‘ବିବାହ ପରେ ୧୧ ବର୍ଷ ସାଥି ହୋଇ ରହିବା ପରେ ଆମେ ପରସ୍ପର ବୁଝାମଣାରେ ଅଲଗା ହେବା ପାଇଁ ନିଷ୍ପତ୍ତି ନେଇଛୁ । ଆମେ ଆଗକୁ ମଧ୍ୟ ଭଲ ବନ୍ଧୁ ହୋଇ ରହିବୁ ଏବଂ ପରସ୍ପର ପାଇଁ ଭବିଷ୍ୟତରେ ସେହି ସମ୍ମାନ ଏବଂ ପ୍ରେମ ରହିବ । ଆମର ରାସ୍ତା ଅଲଗା ହୋଇଯାଇଛି ସତ କିନ୍ତୁ ଆମେ ଯେଉଁଭଳି ବଣ୍ଡ ସେୟାର କରିଛୁ ସେଥିପାଇଁ ସବୁବେଳେ କୃତଜ୍ଞ ରହିବୁ । ଆମେ ପରିବାର ଏବଂ ବନ୍ଧୁମାନଙ୍କ ଭଲପାଇବା ପାଇଁ ମଧ୍ୟ ଧନ୍ୟବାଦ ଜଣାଇବୁ । ଏହା ବିଷୟରେ ଆମେ ଆଗକୁ ଆଉ କିଛି କହିବୁ ନାହିଁ । ’
ଆପଣଙ୍କୁ କହିରଖୁଛୁ ଯେ, ଦିଆ ଏବଂ ସାହିଲ ସଙ୍ଘା ଲମ୍ବା ସମୟରୁ ବିଜନେସ ପାର୍ଟନର ଅଛନ୍ତି । ଏହାପରେ ଦୁହେଁ ୨୦୧୪ରେ ବିବାହ କରିଥିଲେ । ଦୁହେଁ ଆର୍ଯ୍ୟ ସମାଜରେ ବିବାହ କରିଥିଲେ ।