ଡିସ୍ନିର ବହୁ ପ୍ରତିକ୍ଷୀତ ଫିଲ୍ମ ‘ଦ ଲାୟନ କିଙ୍ଗ’ର ଟ୍ରେଲର ରିଲିଜ ହୋଇସାରିଥିବା ବେଳେ ଏହା ପରଠାରୁ ଫ୍ୟାନ୍ସ ସିମ୍ବାକୁ ଦେଖିବା ପାଇଁ ଉତ୍ସାହିତ ଅଛନ୍ତି । ହେବା ବି ସ୍ୱଭାବିକ କାରଣ ଜଙ୍ଗଲର ରାଜା ହେଉଛି ସିମ୍ବା । ସିମ୍ବା ଅନେକ ଛୁଆଙ୍କ ପିଲାଦିନକୁ ସ୍ମରଣୀୟ କରିଛି । ସେଥିପାଇଁ ତ ପ୍ରତ୍ୟେକ ଛୁଆ ସିମ୍ବା ପରି ଦେବାକବୁ ଚାହେଁ । ଫିଲ୍ମ ରିଲିଜ ହେବାକୁ ଆଉ ଅଳ୍ପ କିଛି ଦିନ ବାକିଥିବା ବେଳେ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ବଢାଇବା ପାଇଁ ମେକର୍ସ ଏକ ନୂଆ ଉପହାର ଭେଟି ଦେଇଛନ୍ତି ।
ନିକଟରେ ‘ଦ ଲାୟ ନ କିଙ୍ଗ’ର ଏକ ନୂଆ ଭିଡିଓ ସେୟାର କରାଯାଇଛି । ଯେଇଁଥିରେ ବଲିଉଡ ବାଦଶାହ ଶାହରୁଖ ଖାନଙ୍କୁ ଦେଖିବାକୁ ମିଳିଛି । ଏହି ଭିଡିଓରେ ଶାହରୁଖ ମୁଫାସା ପାଇଁ ଭଏସ ଦେଉଥିବାର ଦେଖିବାକୁ ମିଳିଛି । ଭିଡିଓର ଆରମ୍ଭରେ ଶାହରୁଖ ଖାନଙ୍କ ଦମଦାର ଭଏସ ଶୁଣିବାକୁ ମିଳିଛି ଯେଉଁଥିରେ ସେ ପୁଅ ସିମ୍ବାକୁ ଶିକ୍ଷା ଦେଉଥିବାର ଦେଖିବାକୁ ମିଳିଛି ।
ଫିଲ୍ମରେ ଶାହରୁଖ ଖାନ ମୁଫାସା ଚରିତ୍ର ପାଇଁ ଭଏସ ଦେଇଥିବା ବେଳେ ଶାହରୁଖଙ୍କ ଲାଡଲା ଆର୍ୟନ ଖାନ ମିମ୍ବା ପାଇଁ ଭଏସ ଦେଇଛନ୍ତି । ତେବେ ବାପ-ପୁଅତଙ୍କ ଯୋଡି ପରଦାରେ କମାଲ କରିବେ ବୋଲି ଆଶା କରାଯାଉଛି ।