ବର୍ତ୍ତମାନ ଭୁବନଶ୍ୱେରରେ ଚାଲିଛି ଡଟ ଫେଷ୍ଟ । ପ୍ରତିଦିନ କୌଣସି ନା କୌଣସି ସେଲିବ୍ରେଟୀଙ୍କୁ ଦେଖିବାକୁ ମିଳୁଛି ଏହି ଫେଷ୍ଟରେ । ଭୁବନେଶ୍ୱରର ଶୀତୁଆ ସଂଧ୍ୟାରେ ମତୁଆଲା ହେଉଛନ୍ତି ଦର୍ଶକ । ଭିଡ଼ ସାଙ୍ଗକୁ ଇଭେଂଟର ନିଆରା ମଜା ଦର୍ଶକଙ୍କ ମନ କିଣୁଛି । ତେବେ ସେହିଭଳି ଫେଷ୍ଟରେ ପହଂଚିଥିଲେ ବଲିଉଡ ଫିଲ୍ମ ନିର୍ଦ୍ଦେଶକ ଫରହାନ ଅଖତାର ।
ଫର୍ହାନ ଅଖତର୍ କହିଛନ୍ତି ଓଡ଼ିଶାର ସବୁଜିମା ମନକୁ ଶାନ୍ତି ଦେଇଥାଏ। ଏଠାକାର ଲୋକଙ୍କ ଭଲପାଇବା ମୋତେ ବାରମ୍ବାର ଭୁବନେଶ୍ୱରକୁ ଟାଣି ଆଣୁଛି। ରାଜ୍ୟର କଳା ଓ ସଂସ୍କୃତିକୁ ପ୍ରଚାର, ପ୍ରସାର କରିବା ଦିଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଦ୍ୟମ ପ୍ରଶଂସାଯୋଗ୍ୟ । ଚଳିତବର୍ଷ ଓଡ଼ିଶାରେ ହକି ବିଶ୍ୱକପ୍ ଆୟୋଜିତ ହୋଇଥିବାରୁ ଫର୍ହାନ ଖୁସିବ୍ୟକ୍ତ କରିବା ସହିତ ତାଙ୍କୁ ଏହି କାର୍ଯ୍ୟକ୍ରମକୁ ନିମନ୍ତ୍ରଣ କରାଯାଇଥିବାରୁ ଏଥିପାଇଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଥିଲେ। ଫେଷ୍ଟ୍କୁ ଆସିବା ପୂର୍ବରୁ ଫର୍ହାନ ନବୀନ ନିବାସକୁ ଯାଇ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ।
