କୁମ୍ଭୀରକୁ ମାଂସ ଖୁଆଇବାକୁ ଯାଇ ଗାୟବ ହେଲେ ମହିଳା, ଏଭଳି ଅବସ୍ଥାରେ ମିଳିଲା ଶରୀର ।

ଇଣ୍ଡୋନେସିଆରେ ଜଣେ ମହିଳାଙ୍କୁ କୁମ୍ଭୀରକୁ ମାଂସ ଖୁଆଇବା ଭାରି ପଡ଼ିଛି । ନର୍ଥ ସୁଲାବେସିରେ ଜଣେ ମହିଳା ୧୭ ଫୁଟ ଲମ୍ବା କୁମ୍ଭୀରକୁ ମାଂସ ଖୁଆଇବାକୁ ଯାଇ ଅଚାନକ ଗାୟବ ହୋଇଗଲେ । ମହିଳା ଜଣକ ପେଶାରେ ଜଣେ ବୈଜ୍ଞାନିକ ଥିଲେ ଏବଂ ଇଣ୍ଡୋନେସିଆର ରିସର୍ଚ ଫ୍ୟାସିଲିଟିରେ କାମ କରୁଥିଲେ । ବାସ୍ତବରେ ୪୪ ବର୍ଷୀୟା ଡେଜି ତୁବା ଲ୍ୟାମ୍ବରେ ଏକ ବଡ଼ କୁମ୍ଭୀରକୁ ମାଂସ ଖୁଆଇବାକୁ ଯାଇଥିଲେ । ଏହା ପରଠାରୁ ତାଙ୍କର କୌଣସି ସୂଚନା ମିଳିଲା ନାହିଁ ।
ପରଦିନ ଯେତେବେଳେ କୁମ୍ଭୀର କର୍ମଚାରୀ କୁମ୍ଭୀରକୁ ଦେଖିଲେ ସମସ୍ତେ ଆଶ୍ଚର୍ଯ୍ୟ ହୋଇଗଲେ । ମହିଳା ବୈଜ୍ଞାନିକଙ୍କ ଶରୀରର ଏକ ଭାଗ ତା ମୁହଁରେ ଥିଲା, ଯେତେବେଳେ ଅନ୍ୟ ସମସ୍ତ ଭାଗ ପାଣିରେ ଭାସୁଥିଲା । ଏହାପରେ ୱାଇଲଡ ଲାଇଫ ରେସ୍କ୍ୟୁ ଟିମ ସେଠାରେ ପହଂଚିଲେ ଏବଂ ଖୁବ କଷ୍ଟରେ କୁମ୍ଭୀରକୁ ପାଣି ଭିତରୁ ବାହାର କଲେ ଏବଂ ତା ପେଟର ମେଡିକଲ ପରୀକ୍ଷା କଲେ, ଯେଉଁଥିରୁ ଜଣାପଡ଼ିଲାଯେ କୁମ୍ଭୀର ମହିଳା ବୈଜ୍ଞାନିକଙ୍କ ନିଜର ଶୀକାର ବନାଇଥିଲା । କୁମ୍ଭୀର ଥିବା ପୁଲରେ ୮ ଫୁଟର ପାଚେରୀ ଦିଆଯାଇଥିଲା, କିନ୍ତୁ ସମସ୍ତେ ଆଶ୍ଚର୍ଯ୍ୟ ହେଲେ ଏତେ ଉଚ୍ଚରୁ କୁମ୍ଭୀର କିପରି ଶୀକାର କଲା । କର୍ମଚାରୀଙ୍କ କହିବା ଅନୁସାରେ ସେ ଡେଇଁ ଏଭଳି କାମ କରିଥାଇପାରେ ।