ହିଜାବ ଏବଂ ଚେହେରାରେ ମାସ୍କ ପିନ୍ଧି ରେସଲିଂ କରନ୍ତି ଏହି ମହିଳା, ଦେଖନ୍ତୁ ଭିଡିଓ !
ମାଲେସିଆରେ ପ୍ରୋ-ରେସିଂ ଖୁବ ପପୁଲାର ଅଟେ । ଲୋକମାନେ ଏହାକୁ ଖୁବ ପସନ୍ଦ ମଧ୍ୟ କରନ୍ତି । ପ୍ରୋ-ରେସଲିଂରେ ଜଣେ ମହିଳା ରେସଲର ଚର୍ଚ୍ଚାରେ ରହିଛନ୍ତି । କାହିଁକି ନାଁ ସେ ହିଜାବ ପିନ୍ଧି ଲଢେଇ କରନ୍ତି । ତାଙ୍କ ନାଁ ହେଉଛି ‘ନୋର ଫିୟନିକ୍ସ ଡାଏନା’ । ସେ ମାଲେସିଆ ପ୍ରୋ-ରେସଲିଂରେ ପ୍ରଥମ ମହିଳା ଅଟନ୍ତି ଯିଏ ପୁରୁଷ ରେସଲରଙ୍କ ସହ ଫାଇଟ କରନ୍ତି । ୧୯ବର୍ଷୀୟ ଡାଏନା ପ୍ରଥମ ହିଜାବୀ ମହିଳା ଅଟନ୍ତି , ଯିଏ ପୁରୁଷ ଏବଂ ମହିଳା ଦୁହିଁଙ୍କ ସହ ଲଢେଇ କରନ୍ତି ।
ଡାଏନା ୨୦୧୫ରେ ରେସଲିଂ କରିବା ଆରମ୍ଭ କରିଥିଲେ । ସେ ପିଲା ଦିନରୁ ଫାଇଟର ହେବାକୁ ଚାହୁଁଥିଲେ ।
ପ୍ରଫେସନାଲ ଫାଇଟର ହେବା ସହ ସେ ହସ୍ପିଟାଲରେ ମଧ୍ୟ କାମ କରୁଛନ୍ତି । ରିଙ୍ଗ ବାହାରେ ସେ ଖୁବ ଶାନ୍ତ ସ୍ୱଭାବର ଝିଅ ଅଟନ୍ତି । ରିଙ୍ଗରେ ଆସିବା ପରେ ଶତୃକୁ ଖୁବ ପିଟନ୍ତି । ତାଙ୍କ ପାଇଁ ଏହି ଯାତ୍ରା ଖୁବ କଷ୍ଟକର ଥିଲା କାରଣ ସେ ଆଗରୁ ମାସ୍କ ପିନ୍ଧି ଫାଇଟ କରୁଥିଲେ । କିନ୍ତୁ ପୂର୍ବ ବର୍ଷ ମ୍ୟାଚ ହାରିବା ପରେ ସେ ମାସ୍କ ଉତାରିଥିଲେ ଏବଂ ହିଜାବ ପିନ୍ଧି ସମସ୍ତଙ୍କ ସାମ୍ନାକୁ ଆସିଥିଲେ ।
ସେ କହିଛନ୍ତି ଯେ ପୁର୍ବରୁ ସେ ମାସ୍କ ପିନ୍ଧି କୁସ୍ତି କରୁଥିଲେ । କାରଣ ତାଙ୍କ ପରିଚୟର ତାହା ଅଂଶ ଥିଲା । ସେ ସମୟରେ ସେ ହିଜାବୀ ରୂପେ ସମାଜ ଭୟରେ ସାମ୍ନାକୁ ଆସୁନଥିଲେ । କିନ୍ତୁ ପୂର୍ବ ବର୍ଷ ହିଁ ସେ ମାସ୍କ ହଟାଇବା ପାଇଁ ସ୍ଥିର କରିଥିଲେ, କାରଣ ଏହି ରେସଲିଂ ଜରିଆରେ ସେ ନିଜର ଏକ ପରିଚୟ ସୃଷ୍ଟି କରିବାକୁ ଆଶା ରଖିଛନ୍ତି ।