ରକ୍ତକୁ ପରିଷ୍କାର ରଖିବା ପାଇଁ କୌଣସି ଔଷଧ ନୁହେଁ ବରଂ ଖାଦ୍ୟରେ ସାମିଲ କରନ୍ତୁ ଏହି ଜିନିଷ
ଶରୀର ମଧ୍ୟରେ ବିଭିନ୍ନ ଜରୁରୀ ପଦାର୍ଥ ରକ୍ତ ମାଧ୍ୟମରେ ଏକ ସ୍ଥାନରୁ ଅନ୍ୟ ସ୍ଥାନକୁ ଯାଇଥାଏ । ଶରୀରର ଅଙ୍ଗକୁ ଅମ୍ଲଜାନ ପହଞ୍ଚାଇବାଠାରୁ ଆରମ୍ଭ କରି ଶରୀରର ତାପମାତ୍ରା ନିୟନ୍ତ୍ରଣ କରିବାରେ ରକ୍ତର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ରକ୍ତ ଶରୀରର ପିଏଚ୍ ସ୍ତର ଏବଂ ଜଳସ୍ତର ମଧ୍ୟ ସଞ୍ଚାଳିତ କରିଥାଏ । ବେଳେ ବେଳେ ଅସ୍ୱାସ୍ଥ୍ୟକର ଖାଦ୍ୟ ଖାଇବା ଦ୍ୱାରା ରକ୍ତରେ ଅପମିଶ୍ରଣ ହୋଇ ରକ୍ତ ଅପରିଷ୍କାର ହୋଇ ଯାଇଥାଏ । ରକ୍ତ ଅପରିଷ୍କାର ହେଲେ ବ୍ରଣ ହେବା, ଓଜନ କମ ହେବା ଏବଂ ଖୁବ୍ ଶୀଘ୍ର ଥକାପଣ ଆସିବା ଭଳି ସମସ୍ୟା ଦେଖାଯାଇଥାଏ । ଏ ସମସ୍ୟାର ସମାଧାନ ପାଇଁ ରକ୍ତ ପରିଷ୍କାର ରହିବା ଅତ୍ୟନ୍ତ ଜରୁରୀ । କିଡ୍ନି ଏବଂ ଯକୃତରେ ଥିବା ବିଷାକ୍ତ ପଦାର୍ଥକୁ ବାହାର କରି ଆପଣମାନେ ନିଜ ରକ୍ତକୁ ପରିଷ୍କାର ରଖି ପାରିବେ ।
କିଡ଼୍ନିକୁ ଠିକ୍ ରଖିବା ପାଇଁ ହେଲେ ଆପଣଙ୍କୁ ପର୍ଯ୍ୟାପ୍ତ ପରିମାଣରେ ପାଣି ପିଇବା ନିହାତି ଆବଶ୍ୟକ । କାରଣ ପାଣିର ସହାୟତାରେ କିନ୍ନିରେ ଥିବା ବିଷାକ୍ତ ଜିନିଷ ବାହାରକୁ ବାହାରି ଯାଇଥାଏ । ପର୍ଯ୍ୟାପ୍ତ ପାଣି ପିଇବା ଦ୍ୱାରା ରକ୍ତ ସଞ୍ଚାଳନ ମଧ୍ୟ ଠିକ୍ ହୋଇଥାଏ ।