ମେଦ ବହୁଳତାରୁ ରକ୍ଷା କରେ ଏହି ଉପାୟ ।
ଆଜିକାଲି ମେଦବହୁଳତା ଏକ ସାଧାରଣ କଥା ହୋଇଯାଇଛି । ଖାଦ୍ୟପେୟ ଉପରେ ଧ୍ୟାନ ନ ଦେବାରୁ ଏହିଭଳି ସମସ୍ୟା ସୃଷ୍ଠି ହେଉଛି ଏବଂ ପରବର୍ତ୍ତୀ ମୁହୂର୍ତ୍ତାରେ ସେଥିରୁ ବଂଚିବା ପାଇଁ ଉପାୟ ଖୋଜାଯାଉଛି । ତେବେ ଆଜି ଆମେ ତାହାକୁ ନେଇ ଏକ ସାଧାରଣ ଉପାୟ ବିଷୟରେ କହିବୁ । ଆସନ୍ତୁ ଆଲୋଚନା କରିବା ।ପ୍ରତିଦିନ ଥଣ୍ଡା ପାଣିରେ ଗାଧୋଇଲେ ମେଦବହୂୁଳତାରୁ ମୁକ୍ତି ମିଳିପାରିବ ବୋଲି ଆୟୁବେର୍ଦରେ ଉଲ୍ଲେଖ ରହିଛି। ଏହା ସଂପୂର୍ଣ୍ଣ ଭାବେ ଏକ ବାୟୋକେମିକାଲ ପ୍ରକ୍ରିୟା। ଶରୀରରେ ଦୁଇ ପ୍ରକାରର ଫ୍ୟାଟ୍ ବା ଚର୍ବି ରହିଥାଏ । ତାହା ହେଉଛି ହ୍ବାଇଟ୍ ଫ୍ୟାଟ୍ ଓ ବ୍ରାଉନ୍ ଫ୍ୟାଟ୍୍ । ହ୍ବାଇଟ୍ ଫ୍ୟାଟ୍ର ଶରୀରରେ କୌଣସି ଆବଶ୍ୟକତା ନ ଥାଏ । ଆବଶ୍ୟକତାଠାରୁ ଅଧିକ କ୍ୟାଲୋରୀ ଗ୍ରହଣ କଲେ ଶରୀରରେ ହ୍ବାଇଟ୍ ଫ୍ୟାଟ୍ ଜମା ହୋଇଥାଏ । ଏହା ଶରୀରର ଅଣ୍ଟା, ପିଠି, ପେଟ କିମ୍ବା ଗଳାରେ ଜମିଯାଇଥାଏ। ଅନ୍ୟପକ୍ଷରେ ବ୍ରାଉନ୍ ଫ୍ୟାଟ୍ ଶରୀର ପାଇଁ ଉପଯୋଗୀ। ଏହା ଶରୀରରେ ଉତ୍ତାପ ସୃଷ୍ଟି କରିଥାଏ। ଏହି ଫ୍ୟାଟ୍ ଯୋଗୁ ଶରୀର ଉଷୁମ ରହିଥାଏ । ଶୀତ ଲାଗିଲେ ବ୍ରାଉନ୍ ଫ୍ୟାଟ୍ ସକ୍ରିୟ ହୁଏ। ଥଣ୍ଡାପାଣିରେ ଗାଧୋଇଲେ ଶରୀରରେ ଜମା ହୋଇ ରହିଥିବା ହ୍ବାଇଟ୍ ଫ୍ୟାଟ୍ର ବିଘଟନ ଆରମ୍ଭ ହୁଏ ଫଳରେ ଧୀରେ ଧୀରେ ମେଦବହୁଳତାରୁ ମୁକ୍ତି ମିଳିଥାଏ ବୋଲି ଆୟୁବେର୍ଦରେ ଦର୍ଶାଯାଇଛି।