Only for Entertainment

ବଲିଉଡ ପାଇଁ ଅଶୁଭ ଖବର, ୮୧ବର୍ଷ ବୟସରେ ଗିରୀଶ କର୍ନାଡଙ୍କ ନିଧନ !

32

ଅଭିନେତା, ନିର୍ଦ୍ଦେଶକ ଏବଂ ଲେଖକ ଗିରୀଶ ରଘୁନାଥ କର୍ନାଡଙ୍କ ୮୧ବର୍ଷ ବୟସରେ ଦେହାନ୍ତ ହୋଇଛି । ଗିରୀଶ ଲମ୍ବା ସମୟ ଧରି ରୋଗରେ ପୀଡିତ ଥିଲେ । ତାଙ୍କ ଶରୀରର ଅନେକ ଅଂଗ କାମ କରିବା ବନ୍ଦ କରିଦେଇଥିଲା ଏବଂ ସେ ନିଃଶ୍ୱାସ ନେବାରେ କଷ୍ଟ ଅନୁଭବ କରୁଥିଲେ । ଯେଉଁକାରଣରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ଗିରୀଶଙ୍କ ମୃତ୍ୟୁ ଖବର ଶୁଣି ବଲିଉଡ ଜଗତ ଏବେ ଶୋକାକୂଳ । ସମସ୍ତେ ସୋସିଆଲ ମିଡିଆରେ ଶ୍ରଦ୍ଧାଂଜଳୀ ଜ୍ଞାପନ କରୁଛନ୍ତି । ଗିରୀଶ ବଲିଉଡ ବ୍ୟତୀତ ସାଉଥରେ ମଧ୍ୟ ଅନେକ ଫିଲ୍ମ କରିଛନ୍ତି । ଗିରୀଶଙ୍କ ଶେଷ ଫିଲ୍ମ ବିଷୟରେ କହିବାକୁ ଗଲେ ଶେଷ ଥର ପାଇଁ ସେ ସଲମାନଙ୍କ ସହ ‘ଟାଇଗର ଜିନ୍ଦା ହେ’ରେ ନଜର ଆସିଥିଲେ ।

ଗିରୀଶ ଆରମ୍ଭରୁ ଥିଏଟରରେ କାମ କରୁଥିଲେ । ୧୯୭୮ରେ ରିଲିଜ ହୋଇଥିବା ଫିଲ୍ମ ‘ଭୂମିକା’ ପାଇଁ ତାଙ୍କୁ ନ୍ୟାଶନାଲ ଆୱାର୍ଡ ମିଳିଥିଲା । ୧୯୯୮ରେ ସାହିତ୍ୟ ଜ୍ଞାନପୀଠ ଆୱାର୍ଡରେ ମଧ୍ୟ ତାଙ୍କୁ ପୁରସ୍କୃତ କରାଯାଇଥିଲା । ଗିରୀଶ କର୍ମିଶିଲ ସିନେମା ପାଇଁ ମଧ୍ୟ ପରିଚିତ ।

ଗିରୀଶଙ୍କ ଜନ୍ମ କୋଙ୍କଣୀ ପରିବାରରେ ହୋଇଥିଲା । କାନାର୍ଡ ୧୯୫୮ରେ ଧାରବାଡ ସ୍ଥିତ କର୍ଣ୍ଣାଟକ ବିଶ୍ୱ ବିଦ୍ୟାଳୟରେ ଗ୍ରାଜୁଏସନ ଶେଷ କରିଥିଲେ । ଏହାପରେ ସେ ଏକ ରୋଡ୍ସ ସ୍କଲାର ପାଇଁ ଲଣ୍ଡନ ଚାଲିଯାଇଥିଲେ । ସେ ଶିକାଗୋ ବିଶ୍ୱ ବିଦ୍ୟାଳୟରେ ଫୁଲବ୍ରାଇଟ ମହାବିଦ୍ୟାଳୟରେ ବିଜିଟିଂ ପ୍ରୋଫେସର ମଧ୍ୟ ରହିଛନ୍ତି ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More