ବଲିଉଡ ହ୍ୟାଣ୍ଡସମ ହଙ୍କ ହ୍ରିତିକ ରୋଶନଙ୍କ ଫିଲ୍ମ ସୁପର ୩୦ ଏବେ ବକ୍ସ ଅଫିସରେ ଚହଳ ପକାଇଛି । ଫିଲ୍ମର ସଫଳତାକୁ ନେଇ ହ୍ରିତିକ ଖୁସି ଥିବା ବେଳେ ଫିଲ୍ମର ସୁଟିଂ ସମୟ ମଜାଦାର ଅନୁଭୂତିକୁ ନିଜ ସୋସିଆଲ ମିଡିଆରେ ସେୟାର କରିଛନ୍ତି । ହ୍ରିତିକ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ମେକିଂ ଭିଡିଓ ସେୟାର କରିଛନ୍ତି ।
ହ୍ରିତିକ ଏହି ଭିଡିଓ ଜରିଆରେ ଫିଲ୍ମ ସୁଟିଂର ଅନୁଭୂତିକୁ ଫ୍ୟାନଙ୍କ ସହିତ ସେୟାର କରିଛନ୍ତି । ସବୁଠାରୁ ମଜା କଥା ହେଉଛି ଏହି ଭିଡିଓର ଆରମ୍ଭ ଭୋଜପୁରୀର ଗୀତ ‘ଲଗାବେଲୁ ଜବ ଲିପିଷ୍ଟିକ’ରୁ ହୋଇଛି ।
ହ୍ରିତିକ କିପରି ବିହାରୀ ଚରିତ୍ର ପାଇଁ ପ୍ରସ୍ତୁତ ହୋଉଛନ୍ତି ତାହା ଏହି ଭିଡିଓରେ ଦେଖିବାକୁ ମିଳିଛି । ଆନନ୍ଦ କୁମାରଙ୍କ ଚରିତ୍ରରେ ଅଭିନୟ କରିବା ପାଇଁ ହ୍ରିତିକ ଭୋଜପୁରୀ ଭାଷାର ଟ୍ରେନିଂ ନେଉଥିବା ନଜର ଆସିଛି ।
ଫିଲ୍ମରେ ହ୍ରିତିକଙ୍କ ଦେଶୀ ଅନ୍ଦାଜକୁ ଲୋକ ଖୁବ ପସନ୍ଦ କରିଛନ୍ତି । ଫିଲ୍ମ ବକ୍ସ ଅଫିସରେ ଖୁବ ଭଲ ବ୍ୟବସାୟ କରୁଛି । ଆଗକୁ ଫିଲ୍ମର କଲେକ୍ସନ ବଢିବ ବୋଲି ଆଶା କରାଯାଉଛି ।