ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ନେଇ ଭାରତୀୟ ବାୟୁସେନା ପ୍ରସ୍ତୁତ କଲା ଭିଡିଓ ଗେମ, ୩୧ ଜୁଲାଇରେ ହେବ ଲଂଚ
ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କ ବୀରତାର କାହାଣୀ ଏବେ ଭିଡ଼ିଓ ଗେମ୍ ମାଧ୍ୟମରେ ଦେଖିବାକୁ ମିଳିବ । ଭାରତୀୟ ବାୟୁସେନା ନିଜର ଏକ ଭିଡ଼ିଓ ଗେମ୍ ଲଞ୍ଚ୍ କରିବାକୁ ଯାଉଛି । ୱିଙ୍ଗ୍ କମାଣ୍ଡର ଅଭିନନ୍ଦନ ଏଥିରେ ଲିଡ୍ ହିରୋ ଭାବେ ନଜର ଆସିବେ । ଜୁଲାଇ ୩୧ରେ ଏହି ଭିଡ଼ିଓ ଗେମକୁ ଲଞ୍ଚ୍ କରାଯିବାର ଯୋଜନା ରହିଥିବା ବିଷୟରେ ଦିଲ୍ଲୀର ଏୟାରଫୋର୍ସ ହେଡ୍କ୍ୱାଟର୍ସ ୱିଙ୍ଗ୍ କମାଣ୍ଡର ଅନୁପମ ବାନାର୍ଜୀ କହିଛନ୍ତି ।
ମୋବାଇଲ ଗେମରେ ମିଗ୍-୨୧ ବ୍ୟତୀତ ଭବିଷ୍ୟତରେ ଏୟାରଫୋର୍ସରେ ସାମିଲ ହେବାକୁ ଥିବା ରାଫେଲକୁ ମଧ୍ୟ ଅର୍ନ୍ତଭୁକ୍ତ କରାଯିବ । ଏଥିସହିତ ସୁଖୋଇ ୩୦ ଏମ୍କେଆଇ, ମିଗ୍-୨୯ ଏବଂ ବାଲାକୋଟରେ ଆକ୍ରମଣରେ ବ୍ୟବହୃତ ହୋଇଥିବା ମିରାଜ-୨୦୦୦ ବିମାନର ମଧ୍ୟ ଆନିମେଟେଡ୍ ପ୍ରସ୍ତୁତ କରାଯିବ । ମୋବାଇଲ ପ୍ଲେଷ୍ଟୋରରେ ଆଣ୍ଡରଏଡ୍ ଏବଂ ଆଇଓଏସ୍ ପ୍ଳାଟଫର୍ମରେ ଏହି ଭିଡ଼ିଓ ଗେମ୍ ଉପଲବ୍ଧ ହେବ ।
ୱିଙ୍ଗ୍ କମାଣ୍ଡର ଅଭିନନ୍ଦନ ଚଳାଉଥିବା ଲଢ଼େଇ ବିମାନ ମିଗ୍ -୨୧ ସହ ତାଙ୍କର ଫଟୋ ଏହି ଭିଡ଼ିଓରେ ଦେଖିବାକୁ ମିଳିବ । ପ୍ରାରମ୍ଭରେ ଏହା ସିଙ୍ଗଲ ପ୍ଲେୟାର ମୋଡ୍ରେ ଉପଲବ୍ଧ ହେଉଥିବା ବେଳେ ପରେ ଏହାକୁ ମଲ୍ଟି ପ୍ଲେୟର ମୋଡରେ ବିକଶିତ କରାଯିବାର ଯୋଜନା ରହିଛ ।