ଆପିଏଲ ପୂର୍ବରୁ ମସ୍ତି ମୁଡରେ ବିରାଟ ଏବଂ ଚହଲ, ମ୍ୟାକକୁଲମଙ୍କ ସହ ଲଗାଇଲେ ଠୁମକା
ଆପିଏଲ ସିଜିନ-୧୧, ୭ ଏପ୍ରିଲରୁ ଆରମ୍ଭ ହେବାକୁ ଯାଉଛି । ଏହା ସହିତ କ୍ରିକେଟର ଏବଂ ଫ୍ୟାନମାନଙ୍କ ମସ୍ତି ମଧ୍ୟ ଆରମ୍ଭ ହେବାକୁ ଯାଉଛି । ଅନ୍ୟପକ୍ଷେ ଭାରତର ଷ୍ଟାର କ୍ରିକେଟର ବିରାଟ କେହଲିଙ୍କ ଆରସିବି ଟିମ ୮ ଏପ୍ରିଲକୁ ଏହି ସିଜିନର ପ୍ରଥମ ମ୍ୟାଚ ଖେଳିବାକୁ ଯାଉଛି । ତେବେ ଆପିଏଲ ଆରମ୍ଭ ହେବା ପୂର୍ବରୁ କ୍ୟାପଟେନ କେହଲି ନିଜ ସାଥୀ ଖେଳାଳୀଙ୍କ ସହିତ ସସ୍ତି କରିବାର କୌଣସି ସୁଯୋଗକୁ ହାତଛଡା କରୁନାହାନ୍ତି ।
ନିକଟରେ ଯୁଜବେନ୍ଦ୍ର ଚହଲ ଟୁଇଟରରେ ଏକ ଭିଡିଓ ପୋଷ୍ଟ କରିଛନ୍ତି । ଯେଉଁଥିରେ ସେ ବିରାଟ କେହଲି ଏବଂ ବ୍ରେଣ୍ଡନ ମ୍ୟାକକୁଲମଙ୍କ ସହିତ ଠୁମକା ଲଗାଉଥିବା ଦେଖିବାକୁ ମିଳିଛି । ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Warming up for the IPL with these legends ?? @imVkohli @Bazmccullum #PlayBold #IAMRCB #newtwist #moreturn
E Sala Cup Namde pic.twitter.com/WVjuyBrSTT— Yuzvendra Chahal (@yuzi_chahal) April 3, 2018
ସୂଚନା ଅନୁସାରେ ଆରସିବି ୮ ଏପ୍ରିଲକୁ କେକେଆର ବିପକ୍ଷରେ ମଇଦାନକୁ ଓହ୍ଲାଇବ । ଆରସିବି ଏପର୍ଯ୍ୟନ୍ତ ଚମ୍ପିୟନ ହୋଇପାରିନଥିବା ବେଳେ ଏଥର ବିରାଟ ଟିମକୁ ଏହି ସଫଳତା ଦେବେ ବୋଲି କ୍ରିକେଟ ପ୍ରେମୀ ଆଶା ରଖିଛନ୍ତି ।
