Only for Entertainment

ରୋହିତ ଶେଟ୍ଟୀଙ୍କ ବଡ ଖୁଲାସା, ‘ସୂର୍ଯ୍ୟବଂଶୀ’ରେ ଅକ୍ଷୟଙ୍କ ଅପୋଜିଟରେ ନଜର ଆସିବେ ନାହିଁ କ୍ୟାଟ୍ରିନା

ଏପ୍ରିଲରୁ ସୁଟିଂ ଆରମ୍ଭ କରିବେ ଅକ୍ଷୟ କୁମାର...

Filmfare
8

ନିକଟରେ ରିଲିଜ ହୋଇଥିବା ରୋହିତ ଶେଟ୍ଟୀଙ୍କ ଫିଲ୍ମ ସିମ୍ବା ବକ୍ସ ଅଫିସରେ ବଡ ବଡ ରେର୍କଡ ଭାଙ୍ଗିବା ପରେ ଏବେ ସେ ନିଜର ଆଗାମୀ ଫିଲ୍ମ ସୂର୍ଯ୍ୟବଂଶୀକୁ ନେଇ ପ୍ରସ୍ତୁତି ଆରମ୍ଭ କରି ଦେଇଛନ୍ତି । ଏହି ଫିଲ୍ମର ଝଲକ ଫିଲ୍ମ ସିମ୍ବାରେ ଦେଖିବାକୁ ମିଳିଛି । ଏହି ଫିଲ୍ମ ପାଇଁ ରୋହିତ ପ୍ରଥମ ଥର ପାଇଁ ଅକ୍ଷୟଙ୍କ ସହିତ ହାତ ମିଳାଇଛନ୍ତି । ଶୁଣିବାକଗୁ ମିଳିଥିଲା ଯେ, ଫିଲ୍ମରେ ଅକ୍ଷୟ କୁମାରଙ୍କ ଅପୋଜିଟରେ କ୍ୟାଟ୍ରିନା କୈଫ ନଜର ଆସିବେ ।

ରିପୋର୍ଟ ଅନୁସାରେ କ୍ୟାଟ୍ରିନା ଅକ୍ଷୟଙ୍କ ଅନେକ ଫିଲ୍ମର ଅଫରକୁ ମନା କରି ସାରିଛନ୍ତି । କାରଣ ଏହି ଫିଲ୍ମ ଗୁଡିକରେ ହିରୋଇନଙ୍କ ଭୂମିକା ଦମଦାର ନ ଥିଲା । ଏପରି ସ୍ଥିତିରେ ତାଙ୍କ ଫ୍ୟାନ୍ସ ଆଶା କରିଛନ୍ତି ଯେ, ୯ ବର୍ଷ ପରେ ‘ସୂର୍ଯ୍ୟବଂଶୀ’ ଜରିଆରେ ଦୁହିଁଙ୍କୁ ଏକା ସହିତ ପରଦାରେ ଦେଖିବାକୁ ମିଳିବ । ତେବେ ଏହି ଖବରକୁ ଫିଲ୍ମର ନିର୍ଦ୍ଦେଶକ ରୋହିତ ଶେଟ୍ଟୀ ଖଣ୍ଡନ କରିଛନ୍ତି ।

kat

ଏକ ମ୍ୟାଗାଜିନକୁ ଦେଇଥିବା ଇଣ୍ଟରଭ୍ୟୁରେ ରୋହିତ କହିଛନ୍ତି ଯେ, ଏହା ଏକ ଗୁଜବ । ଏପର୍ଯ୍ୟନ୍ତ ଆମେ ଫିଲ୍ମର ଲିଡ ଅଭିନେତ୍ରୀଙ୍କୁ ଫାଇନାଲ କରିନାହୁଁ । ଏବେ ଫିଲ୍ମର ସ୍କ୍ରିପ୍ଟ ଉପରେ କାମ ଚାଲିଛି । ଅକ୍ଷୟ ଏବଂ କ୍ୟାଟ୍ରିନାଙ୍କ ଫ୍ୟାନ୍ସ ଏହି ଖବର ପ୍ରସାରଣ କରିଥିବେ ବୋଲି ଆସା କରୁଛି । କାରଣ ସେମାନେ ଏହି ଯୋଡିଙ୍କୁ ପରଦାରେ ଦଖେିବା ପାଇଁ ଅପେକ୍ଷା କରି ରହିଛନ୍ତି । ଫିଲ୍ମ ବିଷୟରେ କହିବାକୁ ଗଲେ ଅକ୍ଷନୟ ଏପ୍ରିଲରୁ ଏହି ଫିଲ୍ମର ସୁଟିଂ ଆରମ୍ଭ କରିବେ । ଫିଲ୍ମରେ ସେ ଏଟିଏସ ପୋଲିସ ଅଫିସର ଭୂମିକାରେ ନଜର ଆସିବେ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More