ଇଶାନ ଖଟ୍ଟରଙ୍କ ସହିତ ପୁଣିଥରେ ନଜର ଆସିପାରନ୍ତି ଶ୍ରୀଦେବୀଙ୍କ ଝିଅ ଜାହ୍ନବୀ

ବଲିଉଡ ଫିଲ୍ମ ନିର୍ମାତା ବୋନି କପୁର ଏବଂ ଦିବଙ୍ଗତ ଅଭିନେତ୍ରୀ ଶ୍ରୀଦେବୀଙ୍କ ଝିଅ ଜାହ୍ନବୀ କପୁର ପୁଣିଥରେ ଆଉ ଏକ ନୂଆ ଫିଲ୍ମରେ ଇଶାନ ଖଟ୍ଟରଙ୍କ ସହିତ ନଜର ଆସିପାରନ୍ତି । ଖବର ଅନୁସାରେ ଫିଲ୍ମ ନିର୍ମାତା ଆର ବାଲ୍କୀଙ୍କ ସହିତ ନୂଆ ପ୍ରୋଜେକ୍ଟରେ କାମ କରିପାରନ୍ତି ।

ଆର ବାଲ୍କି ଚିନି କମ, ପା ଏବଂ ‘ପ୍ୟାଡମ୍ୟାନ’ ପରି ଅନେକ ସଫଳ ଫିଲ୍ମ ନିର୍ମାଣ କରିଛନ୍ତି । ଜାହ୍ନବୀ, ଇଶାନ ଏବଂ ଆର ବାଲ୍କୀଙ୍କ ସାକ୍ଷାତକୁ ନେଇ ଏବେ ଚର୍ଚ୍ଚା ହେଉଛି ଯେ ଦୁହେଁ ଆଗାମୀ ଫିଲ୍ମରେ ଏକା ସହିତ ନଜର ଆସିପାରନ୍ତି ।

ଉଲ୍ଲେଖଯୋଗ୍ୟ ଯେ ଜାହ୍ନବୀ ଇଶାନଙ୍କ ସହିତ ଫିଲ୍ମ ‘ଧଡକ’ଜରିଆରେ ବଲିଉଡ ଡେବ୍ୟୁ କରିବା ପାଇଁ ଯାଉଛନ୍ତି । ନିକଟରେ ଫିଲ୍ମର ନୂଆ ପୋଷ୍ଟର ମଧ୍ୟ ରିଲିଜ କରାଯାଇଥିଲା । ଏହା ଦର୍ଶକଙ୍କୁ ଖୁବ ପସନ୍ଦ ମଧ୍ୟ ଆସିଛି । ଧର୍ମା ପ୍ରଡକ୍ସନରେ ନିର୍ମିତ ଏହି ଫିଲ୍ମ ୨୦ ଜୁଲାଇରେ ରିଲିଜ ହେବ ।