ସୁପରଷ୍ଟାର ରଜନୀକାନ୍ତଙ୍କ ଆଗାମୀ ଫିଲ୍ମ କାଲାର ନିର୍ମାତା ଏହି ଫିଲ୍ମର ଦ୍ୱିତୀୟ ପୋଷ୍ଟର ଜାରି କରିଛନ୍ତି । ଏହି ପୋଷ୍ଟ ଦେଖିବାପରେ ଦର୍ଶକଙ୍କ କ୍ରେଜ ବଢିଯାଇଛି । ପୋଷ୍ଟରରେ ରଜନୀକାନ୍ତଙ୍କ ସହିତ ନାନା ପାଟେକର ମଧ୍ୟ ନଜର ଆସିଛନ୍ତି ।
ଜୁନର ପ୍ରଥମ ସପ୍ତାହରେ ରିଲିଜ ହେବାକୁ ଯାଉଥିବା ରଜନୀକାନ୍ତଙ୍କ ଫିଲ୍ମ କାଲାର ରିଲିଜକୁ ଲମ୍ବା ସମୟ ଧରି ସାରା ଦେଶ ଅପେକ୍ଷା କରିଛି । ଏହି ଫିଲ୍ମ ୭ ଜୁନରେ ରିଲିଜ ହେବ । କେବଳ ତାମିଲରେ ନୁହେଁ ବରଂ ଏହି ଫିଲ୍ମ ହିନ୍ଦୀରେ ମଧ୍ୟ ରିଲିଜ ହେବ । ଫିଲ୍ମରେ ରଜନୀକାନ୍ତ ମୁମ୍ବାଇର ଜଣେ ଡନ ଚରିତ୍ରରେ ନଜର ଆସିବେ । କିନ୍ତୁ ସେ କ୍ଷତିକାରକ ନୁହେଁ ବରଂ ଲୋକଙ୍କୁ ସାହାଯ୍ୟ କରୁଥିବା ଡନ । ତେବେ ସବୁଠାରୁ ବଡ଼ ସସପେନ୍ସ ହେଉଛି ନାନା ପାଟେକରଙ୍କ ଚରିତ୍ର । ସେ କିଭଳି ଚରିତ୍ରରେ ନଜର ଆସିବେ ତାହାକୁ ନେଇ ଦର୍ଶକଙ୍କ ଉତ୍ସାହ ବଢିଯାଇଛି ।
It’s Rajinikanth versus Nana Patekar this June… Presenting the new poster of #Kaala #KingOfDharavi [Hindi]… 7 June 2018 release… Produced by Dhanush… Directed by Pa. Ranjith. pic.twitter.com/l26P7qAFJc
— taran adarsh (@taran_adarsh) May 19, 2018
କିଛି ଦିନ ପୂର୍ବରୁ ଫିଲ୍ମର ଅଡିଓ ଲଂଚର ଆୟୋଜନ କରାଯାଇଥିଲା,ଯାହା ଦ୍ୱାରା ଫିଲ୍ମର ସମସ୍ତ କାଷ୍ଟ ଏକାଠି ହୋଇଥିଲେ । ଏହା ଦ୍ୱାରା ଫିଲ୍ମର ପ୍ରଡ୍ୟୁସର ଏବଂ ରଜନୀକାନ୍ତଙ୍କ ଜ୍ୱାଇଁ ଧନୁଷ ମଧ୍ୟ ଉପସ୍ଥିତ ଥିଲେ । ତେବେ ଫିଲ୍ମର ଟିଜରକୁ ୨ କୋଟି ଭ୍ୟୁ ମିଳିସାରିଛି ।
ଫିଲ୍ମରେ ରଜନୀକାନ୍ତଙ୍କ ବ୍ୟତୀତ ଅଭିନେତ୍ରୀ ହୁମା କୁରୈସି ଏବଂ ଅଂଜଳି ପାଟିଲ ମଧ୍ୟ ଲିଡ ଚରିତ୍ରରେ ନଜର ଆସିବେ ।
