ରିଲିଜ ହେଲା କରଣ ଜୋହରଙ୍କ ଆଗାମୀ ଫିଲ୍ମର ପୋଷ୍ଟର, ନଜର ଆସିବେ ବଲିଉଡର ଏହି ୭ ନାମୀ କଳାକାର ।
ଆଜିକାଲି ବଲିଉଡରେ ମଲ୍ଟିଷ୍ଟାରର ଫିଲ୍ମର ଟ୍ରେଣ୍ଡ ଚାଲିଛି । କରଣ ଜୋହରଙ୍କ ଧର୍ମା ପ୍ରଡକ୍ସନରେ ନିର୍ମିତ ‘କଳଙ୍କ’ ପରେ ଆଉ ଏକ ମଲ୍ଟିଷ୍ଟାରର ଫିଲ୍ମ ନିର୍ମାଣ ହେବାକୁ ଯାଉଛି । ଏହି ଫିଲ୍ମର ଘୋଷଣା କରଣ ଜୋହର ନିଜ ଟ୍ୱିଟରରେ ଫଟୋ ସେୟାର କରି ଜଣାଇଛନ୍ତି ।
କରଣ ଜୋହରଙ୍କ ଏହି ଆଗାମୀ ଫିଲ୍ମରେ ଅନେକ ନାମୀ ଦାମୀ କଳାକାରଙ୍କୁ ଏକା ସହିତ ଦେଖିବାକୁ ମିଳିବ । ଏହି ଫିଲ୍ମର ନାମ ରହିଛି ‘ତଖ୍ତ’ । ଏହା ଏକ ପିରିୟଡିକ ଡ୍ରାମା ଫିଲ୍ମ । ‘ତଖ୍ତ’ ରେ ନିର୍ଦ୍ଦେଶନା ଦେବେ ଖୋଦ କରଣ ଜୋହର । ଫିଲ୍ମରେ ରଣବୀର ସିଂ, କରୀନା କପୁର, ଆଲିଆ ଭଟ୍ଟ, ଭିକ୍କି କୌଶଲ, ଭୂମି ପେଡନେକର, ଜାହ୍ନବୀ କପୁର ଏବଂ ଅନିଲ କପୁର ନଜର ଆସିବେ । ଫିଲ୍ମଟି ୨୦୨୦ରେ ରିଲିଜ ହେବ । କରଣ ଜୋହର ଟ୍ୱିଟର ଆକାଉଣ୍ଟରେ ମୁଭିର ନାମ ଘୋଷଣା କରି ଲେଖିଥିଲେ ‘ମୁଁ ଫିଲ୍ମର ଲିଡ ଷ୍ଟାରଙ୍କ ନାମ ଘୋଷଣା କରିବାକୁ ନେଇ ଖୁବ ଏକ୍ସାଇଟେଡ ଫିଲ କରୁଛି ।’
#NewProfilePic pic.twitter.com/rgHIZBcpsO
— Karan Johar (@karanjohar) August 9, 2018
ଫିଲ୍ମ ‘ତଖ୍ତ’ର ଷ୍ଟାରକାଷ୍ଟଙ୍କ ବିଷୟରେ ଜାଣିବା ପରେ ୨୦୨୦ ପର୍ଯ୍ୟନ୍ତ ଅପେକ୍ଷା କରିବା ଦର୍ଶକଙ୍କ ପାଇଁ କଷ୍ଟକର ରହିବ ନିଶ୍ଚିତ । କାରଣ ଏହି ଫିଲ୍ମ ଖୁବ ଖାସ ରହିବ । ପ୍ରଥମତଃ ଲମ୍ବା ବ୍ୟବଧାନ ପରେ କରଣ ଜୋହର ଏହି ଫିଲ୍ମର ନିର୍ଦ୍ଦେଶନା ଦେବେ । ଦ୍ୱିତୀୟଟି ହେଉଛି ଫିଲ୍ମର ଷ୍ଟାରକାଷ୍ଟ । ପ୍ରଥମଥର ପାଇଁ ରଣବୀର ସିଂ ଏବଂ କରୀନାଙ୍କୁ ପରଦାରେ ଦେଖିବାକୁ ମିଳିବ । ସେହିପରି ଜାହ୍ନବୀ ମଧ୍ୟ ପ୍ରଥମ ଥର ପାଇଁ ଦାଦା ଅନିଲ କପୁରଙ୍କ ସହିତ ନଜର ଆସିବେ ।
I am so excited and honoured to announce the lead cast of #TAKHT@RanveerOfficial #KareenaKapoorKhan @aliaa08 @vickykaushal09 @psbhumi #JanhviKapoor @AnilKapoor #HirooYashJohar @apoorvamehta18@sumit_roy_ @hussainhaidry pic.twitter.com/ifgb8RC7uV
— Karan Johar (@karanjohar) August 9, 2018
ଶୁଣିବାକୁ ମିଳୁଛି ଯେ ଫିଲ୍ମରେ ରଣବୀର ସିଂ ଲିଡ ରୋଲରେ ନଜର ଆସିବେ । କରୀନା ଫିଲ୍ମରେ ରଣବୀର ସିଂଙ୍କ ଭଉଣୀ ଭୂମିକାରେ ନଜର ଆସିବେ । ଆଲିଆଙ୍କୁ ରଣବୀରଙ୍କ ଅପୋଜିଟରେ କାଷ୍ଟ କରାଯିବ । ଏହା ସହିତ ଭିକ୍କି କୌଶଲ ଅପୋଜିଟରେ ଜାହ୍ନବୀ ନଜର ଆସିବେ ବୋଲି ଶୁଣିବାକୁ ମିଳିଛି । ୨୦୨୦ ପୂର୍ବରୁ ଯଦି ଜାହ୍ନବୀଙ୍କ କୌଣସି ଫିଲ୍ମ ରିଲିଜ ନହୁଏ ତେବେ ଏହା ଜାହ୍ନବୀଙ୍କ ଦ୍ୱିତୀୟ ଫିଲ୍ମ ହେବ ।