ହଲିଉଡ ଫିଲ୍ମ କରିବାକୁ ନେଇ ପ୍ରଶ୍ନ କରିବାରୁ କ୍ୟାଟ୍ରିନା ଦେଲେ ଏହି ଉତ୍ତର
ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ ଏବଂ ଅଭିନେତା ସଲମାନ ଖାନଙ୍କ ଷ୍ଟାରର ଫିଲ୍ମ ‘ଭାରତ’ ଏବେ ବକ୍ସ ଅଫିସରେ ଛାଇ ରହିଛି । ଫିଲ୍ମରେ କ୍ୟାଟ୍ରିନା ନିଜର ଦମଦାର ଅଭିନୟ ବଳରେ ସମସ୍ତଙ୍କର ଧ୍ୟାନ ନିଜ ଆଡକୁ ଆକର୍ଷିତ କରିଛନ୍ତି ।
କହିରଖୁଛୁ ଯେ, କ୍ୟାଟ୍ରିନା ୧୫ ବର୍ଷରୁ ଅଧିକ ସମୟ ବଲିଉଡରେ କାମ କରିସାରିଲେଣି । କ୍ୟାଟ୍ରିନା କହିଛନ୍ତି ସେ ଯେବେଠାରୁ ସେ ଏହି ଇଣ୍ଡଷ୍ଟ୍ରୀରେ ପାଦ ରଖିଛନ୍ତି ସେବେଠାରୁ ସେ କେବେ ବିଦେଶର ବୋଲି ଅନୁଭବ କରି ନାହାଁନ୍ତି । ସେ ଆହୁରି ମଧ୍ୟ କହିଛନ୍ତି ସେ ଇଣ୍ଡଷ୍ଟ୍ରୀରେ ପାଦ ଦେବା ଠାରୁ ସେ ଏହି ଇଣ୍ଡଷ୍ଟ୍ରୀର ଅଂଶ ହୋଇସାରିଛନ୍ତି । କ୍ୟାଟ୍ରିନା କହିଛନ୍ତି ସେ ତେଲଗୁ ଫିଲ୍ମରେ ମଧ୍ୟ କାମ କରିଛନ୍ତି । ଏବଂ କାମ କରିବା ସମୟରେ ଭାଷା ସହିତ ତାଙ୍କର କୌଣସି ସମସ୍ୟା ହୁଏ ନାହିଁ ।
ଏକ ଇଣ୍ଟରଭ୍ୟୁରେ ଯେବେ କ୍ୟାଟ୍ରିନାଙ୍କୁ ପଚରାଗଲା ଯେ ସେ ହଲିଉଡ ଫିଲ୍ମରେ କାମ କରିବାକୁ ଚାହାଁନ୍ତି କି ? ଏହାର ଉତ୍ତର ଦେଇ କ୍ୟାଟ୍ରିନା କହିଥିଲେ ଯଦି କାଲି ମେତେ କୌଣସି ଫିଲ୍ମ ମିଳେ ତେବେ ଏହାର ଶ୍ରେୟ ସୋସିଆଲ ମିଡିଆକୁ ଯିବ ଏବଂ ଫିଲ୍ମ ମିଳିଲେ ମୁଁ ହଲିଉଡ ଫିଲ୍ମ ମଧ୍ୟ କରିବା ପାଇଁ ଚାହିଁବି ।