ଝିଅର ଦୁଃଖ ଦେଖି ସହି ପାରିଲେନି କେଜିଏଫର ରକି, ଖୁବ ଜୋରରେ କନ୍ଦିବାକୁ ଲାଗିଲେ ଆକ୍ଟର
କନ୍ନଡ ସିନେମାର ରକିଂ ଷ୍ଟାର ୟଶ ଫିଲ୍ମ ‘କେଜିଏଫ’ ଜରିଆରେ ବକ୍ସ ଅଫିସରେ ଖୁବ ଧମାଲ କରିଥିଲେ । ଏହି ଫିଲ୍ମ ପାଇଁ ୟଶଙ୍କୁ ଖୁବ ଲୋକପ୍ରିୟତା ହାସିଲ ହୋଇଥିଲେ । କିନ୍ତୁ ଏହି ସୁପରଷ୍ଟାର ନିଜ ଝିଅର ଦୁଃଖକୁ ଦେଖି ନିଜ କାନ୍ଦକୁ ରୋକି ପାରି ନାହାଁନ୍ତି ।
ଅସଲରେ ୟଶ ଏବଂ ତାଙ୍କ ପତ୍ନୀ ଝିଅ ଆର୍ଯ୍ୟାଙ୍କୁ କାନ ଫୋଡାଇବା ପାଇଁ ନେଇଥିଲେ । କାନ ଫୋଡାଇବା ସମୟରେ ଆର୍ଯ୍ୟା ଖୁବ ଜୋରରେ କାନ୍ଦିବାକୁ ଲାଗିଲେ । ଏହାକୁ ଦେଖି ୟଶ ନିଜ ଲୁହକୁ ଆୟତ କରିପାରିଲେ ନାହିଁ ଏବଂ ଖୁବ ଜୋରରେ କାନ୍ଦିବାକୁ ଲାଗିଲେ । ୟଶଙ୍କ ପତ୍ନୀ ରାଧିକା ପଣ୍ଡିତ ଖୋଦ ଏହି ବିଷୟରେ ଇଂଷ୍ଟାଗ୍ରାମ ଆକଉଣ୍ଟରେ ସେୟାର କରିଛନ୍ତି ।
ନିକଟରେ ରାଧିକା ନିଜର ଏବଂ ଝିଅ ଆର୍ଯ୍ୟାର ଏକ ଫଟୋ ସେୟାର କରି କ୍ୟାପସନରେ ଲେଖିଥିଲେ, ‘ଆମେ ଆର୍ଯ୍ୟାର କାନ ଫୋଡାଇଛୁ । କୌଣସି ପ୍ୟାରେଣ୍ଟସଙ୍କ ପାଇଁ ଏହା କଠିନ ସମ ୟ । ଆର୍ଯ୍ୟାକୁ ଜୋରରେ କାନ୍ଦୁଥିବାର ଦେଖି ଆମେ ହୃଦୟ ଭାଙ୍ଗି ଗଲା । ପ୍ରଥମଥର ମୁଁ ସୁପରଷ୍ଟାଙ୍କ ଆଖିରେ ଲୁହ ଦେଖିଲି । ଅନୁଭବ ହେଲା କେତେ ଅମୂଲ୍ୟ ଏହି ବଣ୍ଡିଂ । ଏବେ ଚିନ୍ତା କରିବାର କିଛି ନାହିଁ ବାପା ଝିଅ ଭଲ ଅଛନ୍ତି ।’ ରାଧିକାଙ୍କ ଏହି ପୋଷ୍ଟ ପରେ ଫ୍ୟାନ୍ସଙ୍କ ଖୁବ କମେଣ୍ଟ ଆସିବାରେ ଲାଗିଛି ।
ୱାର୍କଫ୍ରଣ୍ଟ ବିଷୟରେ କହିବାକୁ ଗଲେ ୟଶ ଖୁବ ଶୀଘ୍ର ଫିଲ୍ମ ‘କେଜିଏଫ ୨’ରେ ନଜର ଆସିବେ । ଫିଲ୍ମକୁ ଫ୍ୟାନ୍ସ ଖୁବ ଉତ୍ସାହର ସହିତ ଅପେକ୍ଷା କରି ରହିଛନ୍ତି । ପ୍ରଥମ ପାର୍ଟ ଭଳି ଏହି ପାର୍ଟ ମଦ୍ୟ ଦର୍ଶକଙ୍କୁ ଖୁବ ପସନ୍ଦ ଆସିବ ବୋଲି ଆଶା କରାଯାଉଛି ।