ରୋମାଣ୍ଟିକ ଗୀତ ‘ତୁମ ହି ଆନା’, ‘ଥୋଡି ଜଗହ’ ଏବଂ ‘ଏକ ତୋ କମ ଜିନ୍ଦଗାନୀ’ ପରେ ରିଲିଜ ହେଲା ଫିଲ୍ମ ‘ମରଜାୱାଁ’ର ଆଉ ଏକ ନୂଆ ରୋମାଣ୍ଟିକ ଗୀତ ‘କିନା ସୋନା’ । ନୁସରତ ଫତେହ ଅଲ୍ଲୀ ଖାନଙ୍କ ବହୁ ଚର୍ଚ୍ଚିତ ଗୀତ ‘କିନା ସୋନା ତୁଝେ ରବ ନେ ବନନାୟା’କୁ ନୂଆ ଭାବରେ ଏହି ଫଲ୍ମରେ ଦର୍ଶକଙ୍କୁ ଭେଟି ଦେଇଛନ୍ତି ମେକର୍ସ ।
ଫିଲ୍ମରେ ଏହି ରେମାଣ୍ଟିକ ଟ୍ରାକକୁ ଗାଇଛନ୍ତି ମିତ ବ୍ରଦର୍ସ, ଜୁବିନ ନୌତିଆଲ ଏବଂ ଧ୍ୱନୀ ଭାନୁଶାଳୀ । ଏହାର ଲିରିକ୍ସ କୁମାର ଲେଖିଥିବା ବେଳେ ଏହାର ମ୍ୟୁଜିକ ଦେଇଛନ୍ତି ମିତ ବ୍ରଦର୍ସ ।
କହିରଖୁଛୁ ଯେ, ମିଲାପ ଜାଭରୀଙ୍କଗ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମରେ ସିଦ୍ଦାର୍ଥ ମଲହୋତ୍ରାଙ୍କ ବ୍ୟତିତ ତାରା ସୁତାରିଆ, ରକୁଲପ୍ରିତ ସିଂ ଏବଂ ରିତେଶ ଦେଶମୁଖ ମୁଖ୍ୟ ଭୂମିକାରେ ନଜର ଆସିବେ ।
ଏହା ପୂର୍ବରୁ ଫିଲ୍ମରେ ୪ଟି ଗୀତ ଏବଂ ଦୁଇଟି ଟ୍ରେଲରକୁ ରିଲିଜ କରିଛନ୍ତି ମେକର୍ସ ଯାହା ଦର୍ଶକଙ୍କୁ ଖୁବ ପସନ୍ଦ ଆସିଛି । ଏହି ଗୀତଟି ମଧ୍ୟ ଦର୍ଶକଙ୍କ ମନ ଜିଣିବ ବୋଲି ଆଶା କରାଯାଉଛି । ଫିଲ୍ମ ୧୫ ନଭେମ୍ବରରେ ପରଦାକୁ ଆସିବ ।
