କେନ୍ଦ୍ର ଖେଳମନ୍ତ୍ରୀ କିରଣ ରିଜିଜୁ ଗୋଡରେ ଖୋଲିଲେ ବୋତଲର କ୍ୟାପ, ଭିଡିଓ ହେଲା ଭାଇରାଲ !
କେନ୍ଦ୍ରୀୟ ଖେଳମନ୍ତ୍ରୀ କିରଣ ରିଜିଜୁ ଫିଟନେସ ପାଇଁ ଲୋକଙ୍କୁ ଜାଗ୍ରତ କରାଉଛନ୍ତି । #BottleCapChallenge ସୋସିଆଲ ମିଡିଆରେ ଟପ ଟ୍ରେଣ୍ଡ କରୁଛି । ବଲିଉଡ କଳାକାରଙ୍କ ଠାରୁ ନେଇ ସାଧାରଣ ଲୋକ ଏହି ଚାଲେଂଜକୁ ଆପଣାଇ ଥିବା ଦେଖିବାକୁ ମିଳିଛି । ଏଥର କିରଣ ରିଜୁଜୁଙ୍କୁ ଏହା କରୁଥିବାର ଦେଖିବାକୁ ମିଳିଛି । ଏହି ଭିଡିଓ ଜରିଆରେ ସେ ଭାରତୀୟଙ୍କୁ ଫିଟନେଓ ଉପରେ ଧ୍ୟାନ ଦେବାକୁ କହିଛନ୍ତି ଏବଂ ନିଶାଦ୍ରବ୍ୟ ଠାରୁ ଦୂରରେ ରହିବାକୁ କହିଛନ୍ତି ।
ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରି ସେ ନିଶାଦ୍ରବ୍ୟକୁ ନା କରିବାକୁ ଏବଂ ଫିଟ ଇଣ୍ଡିଆ କ୍ୟାମ୍ପେନ ପାଇଁ ପ୍ରସ୍ତୁତ ହେବାକୁ କହିଛନ୍ତି । ଯାହାଙ୍କୁ ଏହି ଟ୍ରେଣ୍ଡ ବିଷୟରେ ଜଣା ନାହିଁ ଆମେ ଏଠାରେ କହି ରଖୁଛୁ ଯେ ଏହି ବୋତଲ କ୍ୟାପ ଚ୍ୟାଲେଂଜରେ ବୋତଲର କ୍ୟାପ ଖୋଲିବା ପାଇଁ ବ୍ୟାକସ୍ପିନ ଲଗାଇବାକୁ ପଡେ । କିକ ଜରିଆରେ ଗୋଡରେ ଠିପି ଖୋଲିବାକୁ ପଡେ । ୪୭ବର୍ଷୀୟ କିରଣ ରିଜୁଜୁ ଏହି ଚ୍ୟାଲେଂଜକୁ ସଠିକ ଭାବେ ତୁଲାଇଛନ୍ତି ।
ଏହି ଭିଡିଓକୁ ଏବେ ପର୍ଯ୍ୟନ୍ତ ୫୦ହଜାର ଠାରୁ ଅଧିକ ଭ୍ୟୁ ମିଳି ସାରିଲାଣି । ଲୋକମାନେ ତାଙ୍କର ଖୁବ ପ୍ରଶଂସା କରିବାରେ ଲାଗିଛନ୍ତି । ଜଣେ ୟୁଜର ଲେଖିଛନ୍ତି ଯେ ଆପଣ ଭାରତର ସବୁଠାରୁ ପରଫେକ୍ଟ ଖେଳ ମନ୍ତ୍ରୀ ଅଟନ୍ତି ।